Memleket basshysy Týrizm jáne sport ministri Ermek Marjyqpaevty qabyldady, -dep habarlaidy "Ult Aqparat" Aqordanyń baspasóz qyzmetine silteme jasap.
Qasym-Jomart Toqaevqa el sportshylarynyń HHHIII jazǵy Olimpiada oiyndaryna daiyndyǵy týraly esep berildi. Sondai-aq litsenziialyq týrnirlerdiń qorytyndysy jóninde baiandaldy.
Ministrdiń aitýynsha, tórt jyldyqtyń basty dodasyna Qazaqstan ulttyq quramasy sporttyń 25 túrinen 92 litsenziia ielengen. Parijde barlyǵy 80 sportshy el namysyn qorǵaidy.
Ermek Marjyqpaev ulttyq quramanyń Olimpiadaǵa deiingi oqý-jattyǵý jiyndary men sportshylardy qoldaý sharalary týraly aitty. Sonymen qatar sportty basqarý institýttaryn jetildirý baǵytynda júrgizilip jatqan jumystardyń esebin berdi.
Memleket basshysy Olimpiada oiyndarynyń sportshylarymyzǵa zor jaýapkershilik júkteitinin atap ótti. Sondai-aq Qazaqstan quramasy álem aldynda mádenietti, ustamdy ári ozyq úlgilerimen erekshelenýge tiis ekenine nazar aýdardy.
