Foto: Akorda.kz
Memleket basshysy Týrizm jáne sport ministri Ermek Marjyqpaevty qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaevqa ministrliktiń qazirgi qyzmeti men aldaǵy kezeńge arnalǵan jospary týraly baiandaldy.
Memleket basshysyna Qytaida ótken Aziia jáne Paraziia oiyndarynyń qorytyndysy boiynsha júrgizilgen saraptama nátijeleri jóninde esep berildi.
Prezident salany damytýdyń jańa tásilderin ázirleý úshin sapaly ári kezeń-kezeńimen jumys júrgizýdi tapsyrdy.
Sonymen qatar Memleket basshysyna ministrlikke qarasty salalardaǵy zańnamalyq bazany jetildirý, elimizdiń týristik áleýetin odan ári damytý jóninde málimet berildi.
Kezdesý sońynda Qasym-Jomart Toqaev ministrlikke atalǵan baǵyttar boiynsha naqty mindetter júktedi.
