Foto: QR TjSM
Memleket basshysynyń tapsyrmasyn oryndaý aiasynda Týrizm jáne sport ministri Erbol Myrzabosynov Premer-Ministrdiń orynbasary Ermek Kósherbaev bastaǵan Úkimet delegatsiiasy quramynda Abai jáne Jetisý oblystaryndaǵy Alakól kóliniń kýrortty óńirine bardy, dep habarlaidy Ult.kz.
Jumys saparynyń maqsaty – infraqurylymnyń qazirgi jai-kúii men demalys jaǵdaiyn baǵalaý, sondai-aq týristik salany damytý jónindegi tapsyrmalardyń oryndalýyn qadaǵalaý. Kóldiń eki jaǵalaýyna da tekseris jumystary júrgizilip, jergilikti atqarýshy organdar jáne biznes ókilderimen kezdesýler ótti.
Tekserý barysynda birqatar júieli máseleler anyqtaldy. Atap aitqanda, keibir jaǵajailarda sanitariialyq-gigienalyq toraptar, dýsh kabinalary, qoqys jáshikteri, arnaiy belgiler men qorshaýlar joq; sý kólikterine baqylaý jetkiliksiz; qutqarý munaralary men aqparattyq quraldar tapshy. Qaýipsizdikke qoiylatyn negizgi talaptar saqtalmai otyr.
"Týristik qyzmetterdiń sapasyn arttyrý – salany damytýdyń basty mindetteriniń biri. Týrister aǵynynyń artýyna qaramastan, birqatar kýrortty óńirde qyzmet kórsetý deńgeii zaman talaptaryna sai kelmeidi. Ministrlik «Týristik qyzmet týraly» Zańǵa mindetti standarttar engizý, ókilettikterdi keńeitý jáne infraqurylymdy damytýǵa baǵyttalǵan túzetýler ázirleýde. Bul qaýipsizdik, jailylyq pen joǵary deńgeidegi qyzmetti júieli túrde qamtamasyz etýge múmkindik beredi. Basty maqsatymyz – otandyq týristerdiń demalysyn sapaly ári qaýipsiz etý", – dedi Erbol Myrzabosynov.
Tekserý nátijesi boiynsha birqatar naqty tapsyrma berildi:
- - Jaǵajai aýmaǵyndaǵy sanitariialyq jabdyqtaýdy kúsheitý;
- - Qosymsha qoqys konteinerlerin satyp alý;
- - Qaýipsiz shomylý aimaqtaryn naqty belgilep, arnaiy belgiler jelisin uzartý;
- - Kiim aýystyratyn oryndar, dýsh kabinalary jáne basqa da abattandyrý elementterin ornatý múmkindigin qarastyrý;
- - Belsendi demalys aimaqtaryn uiymdastyryp, kóleńke tentter ornatý;
- - Qutqarý munaralary men sýǵa qaýipsiz kirýge arnalǵan baspaldaqtar sanyn kóbeitý;
- - Jaǵajai aýmaǵyna aqparattyq stendter men syzbaly kartalar ornatý.
Anyqtalǵan kemshilikterdi joiý boiynsha jergilikti atqarýshy organdarǵa naqty merzim belgilendi. Ministrlik bul tapsyrmalardyń oryndalýyn qaita tekserýdi josparlap otyr. Týristik demalystyń sapasy men qaýipsizdigi – Úkimet pen Ministrliktiń udaiy baqylaýynda.
Aita keteiik, Prezident synynan keiin Alakólde jedel keńes ótip, jaǵajaida reidter kúsheidi.
