Foto: Zakon.kz/Maksim Zolotýhin
Úkimet otyrysynda Memleket basshysynyń «Jasandy intellekt dáýirindegi Qazaqstan: ózekti máseleler jáne ony túbegeili tsifrlyq ózgerister arqyly sheshý» atty Joldaýyna sáikes týrizm salasyn damytýdyń jańa basymdyqtary talqylandy, dep habarlai dy Ult.kz tilshisi.
Premer-ministrdiń orynbasary Ermek Kósherbaevtyń tóraǵalyǵymen ótken jiynda ortalyq memlekettik organdar men óńirlerdiń ókilderi esep berip, eldiń týristik aimaqtaryndaǵy jaǵdai men atqarylǵan jumystardy saralady. Prezident tapsyrmalarynyń oryndalý barysy da nazardan tys qalmady.
Degenmen, Kósherbaev infraqurylym men qyzmet kórsetý sapasynyń áli de aqsap turǵanyn eskertip, kýrorttyq aimaqtardy aldaǵy jazǵy maýsymǵa laiyqtap ázirleýdi tapsyrdy.
«Týrizm – tek ekonomikanyń emes, halyqaralyq imidjimizdiń, investitsiialyq tartymdylyǵymyzdyń jáne óńirlerdiń damýynyń basty faktory. Ol úshin zamanaýi infraqurylym salyp qana qoimai, álemdik deńgeige sai servis qalyptastyrýymyz qajet», – dedi ol.
Jiyn sońynda memlekettik organdarǵa kýrorttyq aimaqtardyń abattandyrý standarttaryn bekitý, týristerdiń qaýipsizdigin qamtamasyz etý, sheteldik qonaqtarǵa pasporttyq baqylaý rásimderin jeńildetý, halyqaralyq loýkosterlerdi tartý jáne jalpy qyzmet sapasyn arttyrý jóninde naqty tapsyrmalar júkteldi.
Almaty búginde el týrizminiń kóshbasshysy sanalady. Jarty jyldyń ózinde qalaǵa millionnan astam týrist kelgen. Alaida, demalýshylar úshin qolaily jaǵdai jasaý áli de júieli jolǵa qoiylmaǵan. Prezident Joldaýynda da Almaty men Almaty oblysyndaǵy taý týrizmine erekshe kóńil bólindi. Bul baǵytta keshendi jospar ázirlenip jatyr.
«Shymbulaqqa» kelýshiler sany sońǵy ýaqytta 2,5 esege ósip, táýligine 15 myń adamǵa deiin jetken. Biraq infraqurylym tapshylyǵy ózekti kúiinde qalyp otyr. Qalalyq Týrizm basqarmasynyń ókilderi ekojúieni saqtai otyryp, jańa soqpaqtar, demalys baǵyttaryn damytýǵa nietti. Keshendi josparǵa «Oi-Qaragai», «Kimasar», «Býtakovka» jáne «Pioneer» aimaqtary da engen.
Almaarasan shatqaly da jańǵyrý ústinde. Jaiaý júrginshiler joldary men kópirler qaita jóndelip, týristerge qaýipsiz saiahattaýǵa múmkindik jasaldy. Ystyq bulaqtary men taý ózenderi bar bul meken kúnine myńdaǵan qonaqty qabyldaidy.
Halyqaralyq reitingter de Almatynyń bedelin asqaqtatýda. CNN Travel qalany álemdegi úzdik 25 týristik baǵyttyń qataryna qosty, al Booking.com megapolisti eń tanymal destinatsiialar qatarynda atady. Sarapshylardyń aitýynsha, taý týrizmi Qazaqstannyń ulttyq brendine ainalýy ábden múmkin.
Elimizde sporttyq týrizm de qarqyn alyp keledi. Aldaǵy ýaqytta Almatyda ótetin «Qairat» – «Real Madrid» fýtbol oiynyna 4–5 myńǵa jýyq sheteldik jankúier keledi dep kútilýde. Týrizm jáne sport ministriniń aitýynsha, bul shara oqiǵaly týrizmdi damytýǵa serpin beredi.
«Qazaqstannyń infraqurylymy halyqaralyq standarttarǵa sai. Sport – adamdardy biriktiretin qýatty kúsh. Biz sport arqyly eldiń imidjin de kótere alamyz», – dedi ol.
2025–2029 jyldary Almaty taý klasterin damytýǵa 650 mlrd teńgeden astam investitsiia tartý josparlanǵan. Medeý–Shymbulaq baǵytynda jańa taý aýyly salynyp, aspaly joldar men qonaqúiler boi kóteredi, Tuiyqsý kýrorty jańǵyrtylady. Maqsat – 2029 jylǵa deiin sheteldik týrister sanyn úsh esege arttyryp, salyq túsimin eki esege kóbeitý. Ol úshin Almatydan álemniń iri qalalaryna tikelei reister ashý kózdelgen.
Aldaǵy jyly ǵana taý jáne qalalyq infraqurylymdy damytýǵa 697 mln teńge bólinip, 10 jańa týristik marshrýt jasalady. Alma-Arasan ystyq bulaǵy qaita jańartylyp, kún panelderi bar kempingter ashylady.
Almatynyń basty týristik oryndary – Shymbulaq, Medeý, Kóktóbe men Kók Jailaý búginde myńdaǵan qonaqty qabyldap otyr. Shymbulaqta qysqy sport túrleri, jazda haiking pen velotýrizm damyp keledi. Medeý muz aidyny, Kóktóbedegi panoramalyq kórinister men attraktsiondar – qala simvolyna ainalǵan.
Týrister jii baratyn kórikti oryndar qatarynda Qaiyńdy men Kólsai kólderi, Sharyn shatqaly, Túrgen shatqaly, Esik kóli men Assy jailaýy bar. Almatynyń mańyndaǵy Úlken Almaty kóli de sheteldik qonaqtardyń súiikti baǵytyna ainalǵan.
Qazaqstan týrizmin shetelge tanytý úshin infliýenserler de tartylýda. Máselen, qytailyq bloger Taotao «týrizm elshisi» atanyp, 7 milliondyq aýditoriiasyna elimizdiń tabiǵaty men mádenietin nasihattap júr.
CNN Travel Almatyny álemdegi úzdik 25 týristik baǵyttyń qataryna engizdi. Mamandardyń aitýynsha, Almaty týrizmdi damytý arqyly Qazaqstannyń ulttyq brendine ainala alady.
Aqbota Musabekqyzy
