فوتو: Zakon.kz/ماكسيم زولوتۋحين
ٷكٸمەت وتىرىسىندا مەملەكەت باسشىسىنىڭ «جاساندى ينتەللەكت دەۋٸرٸندەگٸ قازاقستان: ٶزەكتٸ مەسەلەلەر جەنە ونى تٷبەگەيلٸ تسيفرلىق ٶزگەرٸستەر ارقىلى شەشۋ» اتتى جولداۋىنا سەيكەس تۋريزم سالاسىن دامىتۋدىڭ جاڭا باسىمدىقتارى تالقىلاندى, دەپ حابارلاي دى Ult.kz تٸلشٸسٸ.
پرەمەر-مينيستردٸڭ ورىنباسارى ەرمەك كٶشەرباەۆتىڭ تٶراعالىعىمەن ٶتكەن جيىندا ورتالىق مەملەكەتتٸك ورگاندار مەن ٶڭٸرلەردٸڭ ٶكٸلدەرٸ ەسەپ بەرٸپ, ەلدٸڭ تۋريستٸك ايماقتارىنداعى جاعداي مەن اتقارىلعان جۇمىستاردى سارالادى. پرەزيدەنت تاپسىرمالارىنىڭ ورىندالۋ بارىسى دا نازاردان تىس قالمادى.
دەگەنمەن, كٶشەرباەۆ ينفراقۇرىلىم مەن قىزمەت كٶرسەتۋ ساپاسىنىڭ ەلٸ دە اقساپ تۇرعانىن ەسكەرتٸپ, كۋرورتتىق ايماقتاردى الداعى جازعى ماۋسىمعا لايىقتاپ ەزٸرلەۋدٸ تاپسىردى.
«تۋريزم – تەك ەكونوميكانىڭ ەمەس, حالىقارالىق يميدجٸمٸزدٸڭ, ينۆەستيتسييالىق تارتىمدىلىعىمىزدىڭ جەنە ٶڭٸرلەردٸڭ دامۋىنىڭ باستى فاكتورى. ول ٷشٸن زاماناۋي ينفراقۇرىلىم سالىپ قانا قويماي, ەلەمدٸك دەڭگەيگە ساي سەرۆيس قالىپتاستىرۋىمىز قاجەت», – دەدٸ ول.
جيىن سوڭىندا مەملەكەتتٸك ورگاندارعا كۋرورتتىق ايماقتاردىڭ اباتتاندىرۋ ستاندارتتارىن بەكٸتۋ, تۋريستەردٸڭ قاۋٸپسٸزدٸگٸن قامتاماسىز ەتۋ, شەتەلدٸك قوناقتارعا پاسپورتتىق باقىلاۋ رەسٸمدەرٸن جەڭٸلدەتۋ, حالىقارالىق لوۋكوستەرلەردٸ تارتۋ جەنە جالپى قىزمەت ساپاسىن ارتتىرۋ جٶنٸندە ناقتى تاپسىرمالار جٷكتەلدٸ.
الماتى بٷگٸندە ەل تۋريزمٸنٸڭ كٶشباسشىسى سانالادى. جارتى جىلدىڭ ٶزٸندە قالاعا ميلليوننان استام تۋريست كەلگەن. الايدا, دەمالۋشىلار ٷشٸن قولايلى جاعداي جاساۋ ەلٸ دە جٷيەلٸ جولعا قويىلماعان. پرەزيدەنت جولداۋىندا دا الماتى مەن الماتى وبلىسىنداعى تاۋ تۋريزمٸنە ەرەكشە كٶڭٸل بٶلٸندٸ. بۇل باعىتتا كەشەندٸ جوسپار ەزٸرلەنٸپ جاتىر.
«شىمبۇلاققا» كەلۋشٸلەر سانى سوڭعى ۋاقىتتا 2,5 ەسەگە ٶسٸپ, تەۋلٸگٸنە 15 مىڭ ادامعا دەيٸن جەتكەن. بٸراق ينفراقۇرىلىم تاپشىلىعى ٶزەكتٸ كٷيٸندە قالىپ وتىر. قالالىق تۋريزم باسقارماسىنىڭ ٶكٸلدەرٸ ەكوجٷيەنٸ ساقتاي وتىرىپ, جاڭا سوقپاقتار, دەمالىس باعىتتارىن دامىتۋعا نيەتتٸ. كەشەندٸ جوسپارعا «Oi-Qaragai», «كٸماسار», «بۋتاكوۆكا» جەنە «Pioneer» ايماقتارى دا ەنگەن.
المااراسان شاتقالى دا جاڭعىرۋ ٷستٸندە. جاياۋ جٷرگٸنشٸلەر جولدارى مەن كٶپٸرلەر قايتا جٶندەلٸپ, تۋريستەرگە قاۋٸپسٸز ساياحاتتاۋعا مٷمكٸندٸك جاسالدى. ىستىق بۇلاقتارى مەن تاۋ ٶزەندەرٸ بار بۇل مەكەن كٷنٸنە مىڭداعان قوناقتى قابىلدايدى.
حالىقارالىق رەيتينگتەر دە الماتىنىڭ بەدەلٸن اسقاقتاتۋدا. CNN Travel قالانى ەلەمدەگٸ ٷزدٸك 25 تۋريستٸك باعىتتىڭ قاتارىنا قوستى, ال Booking.com مەگاپوليستٸ ەڭ تانىمال دەستيناتسييالار قاتارىندا اتادى. ساراپشىلاردىڭ ايتۋىنشا, تاۋ تۋريزمٸ قازاقستاننىڭ ۇلتتىق برەندٸنە اينالۋى ەبدەن مٷمكٸن.
ەلٸمٸزدە سپورتتىق تۋريزم دە قارقىن الىپ كەلەدٸ. الداعى ۋاقىتتا الماتىدا ٶتەتٸن «قايرات» – «رەال مادريد» فۋتبول ويىنىنا 4–5 مىڭعا جۋىق شەتەلدٸك جانكٷيەر كەلەدٸ دەپ كٷتٸلۋدە. تۋريزم جەنە سپورت مينيسترٸنٸڭ ايتۋىنشا, بۇل شارا وقيعالى تۋريزمدٸ دامىتۋعا سەرپٸن بەرەدٸ.
«قازاقستاننىڭ ينفراقۇرىلىمى حالىقارالىق ستاندارتتارعا ساي. سپورت – ادامداردى بٸرٸكتٸرەتٸن قۋاتتى كٷش. بٸز سپورت ارقىلى ەلدٸڭ يميدجٸن دە كٶتەرە الامىز», – دەدٸ ول.
2025–2029 جىلدارى الماتى تاۋ كلاستەرٸن دامىتۋعا 650 ملرد تەڭگەدەن استام ينۆەستيتسييا تارتۋ جوسپارلانعان. مەدەۋ–شىمبۇلاق باعىتىندا جاڭا تاۋ اۋىلى سالىنىپ, اسپالى جولدار مەن قوناقٷيلەر بوي كٶتەرەدٸ, تۇيىقسۋ كۋرورتى جاڭعىرتىلادى. ماقسات – 2029 جىلعا دەيٸن شەتەلدٸك تۋريستەر سانىن ٷش ەسەگە ارتتىرىپ, سالىق تٷسٸمٸن ەكٸ ەسەگە كٶبەيتۋ. ول ٷشٸن الماتىدان ەلەمنٸڭ ٸرٸ قالالارىنا تٸكەلەي رەيستەر اشۋ كٶزدەلگەن.
الداعى جىلى عانا تاۋ جەنە قالالىق ينفراقۇرىلىمدى دامىتۋعا 697 ملن تەڭگە بٶلٸنٸپ, 10 جاڭا تۋريستٸك مارشرۋت جاسالادى. الما-اراسان ىستىق بۇلاعى قايتا جاڭارتىلىپ, كٷن پانەلدەرٸ بار كەمپينگتەر اشىلادى.
الماتىنىڭ باستى تۋريستٸك ورىندارى – شىمبۇلاق, مەدەۋ, كٶكتٶبە مەن كٶك جايلاۋ بٷگٸندە مىڭداعان قوناقتى قابىلداپ وتىر. شىمبۇلاقتا قىسقى سپورت تٷرلەرٸ, جازدا حايكينگ پەن ۆەلوتۋريزم دامىپ كەلەدٸ. مەدەۋ مۇز ايدىنى, كٶكتٶبەدەگٸ پانورامالىق كٶرٸنٸستەر مەن اتتراكتسيوندار – قالا سيمۆولىنا اينالعان.
تۋريستەر جيٸ باراتىن كٶرٸكتٸ ورىندار قاتارىندا قايىڭدى مەن كٶلساي كٶلدەرٸ, شارىن شاتقالى, تٷرگەن شاتقالى, ەسٸك كٶلٸ مەن اسسى جايلاۋى بار. الماتىنىڭ ماڭىنداعى ٷلكەن الماتى كٶلٸ دە شەتەلدٸك قوناقتاردىڭ سٷيٸكتٸ باعىتىنا اينالعان.
قازاقستان تۋريزمٸن شەتەلگە تانىتۋ ٷشٸن ينفليۋەنسەرلەر دە تارتىلۋدا. مەسەلەن, قىتايلىق بلوگەر تاوتاو «تۋريزم ەلشٸسٸ» اتانىپ, 7 ميلليوندىق اۋديتوريياسىنا ەلٸمٸزدٸڭ تابيعاتى مەن مەدەنيەتٸن ناسيحاتتاپ جٷر.
CNN Travel الماتىنى ەلەمدەگٸ ٷزدٸك 25 تۋريستٸك باعىتتىڭ قاتارىنا ەنگٸزدٸ. مامانداردىڭ ايتۋىنشا, الماتى تۋريزمدٸ دامىتۋ ارقىلى قازاقستاننىڭ ۇلتتىق برەندٸنە اينالا الادى.
اقبوتا مۇسابەكقىزى
