Foto: Úkimet
Búgin Úkimet otyrysynda Erbol Myrzabosynov Memleket basshysynyń tapsyrmasyn oryndaý aiasynda týrizm salasyndaǵy zańnamany jetildirý jumystary bastalǵanyn habarlady.
Atap aitqanda, jergilikti atqarýshy organdarǵa eldi mekenderden tys aýmaqtarda, onyń ishinde ulttyq parkterdiń aýmaǵynda týristik infraqurylym salý quqyǵy berildi.
Sonymen qatar aýyl sharýashylyǵy jerlerinde fermerlerge agrotýrizmdi damytýǵa múmkindik berý qarastyrylyp otyr. Bul baǵytta jeńil qurylystar men az qabatty qonaq úiler salýǵa ruqsat berilmek.
Qosymsha mynadai sharalar kózdelýde:
- • qonaq úilerge juldyz berý júiesin jańǵyrtý;
- • shekarada týristik avtobýstarǵa arnalǵan «jasyl dálizder» engizý;
- • qoldanystaǵy memlekettik qoldaý sharalaryn jetildirý.
Aita ketsek, búginde Qazaqstanda týrbiznesti qoldaýdyń 7 tetigi bar:
- • Taý-shańǵy kýrorttaryna arnalǵan jabdyqtar men tehnikany satyp alýǵa ketken shyǵyndardyń bir bóligin óteý;
- • Jol boiyndaǵy servis nysandaryn salý shyǵyndarynyń bir bóligin óteý;
- • Týristik nysandardy salý jáne qaita jóndeý shyǵyndarynyń bir bóligin óteý;
- • Týristik qyzmetke arnalǵan avtokólikti satyp alý shyǵyndarynyń bir bóligin óteý;
- • Sheteldik týristerdi ákelgeni úshin týroperatorlardyń shyǵyndaryn sýbsidiialaý;
- • Kámeletke tolmaǵan jolaýshylarǵa áýe biletteriniń qunyn sýbsidiialaý (Kids Go Free baǵdarlamasy);
- • Sanitariialyq-gigienalyq toraptardy (SGÝ) ustaýǵa ketken shyǵyndardy sýbsidiialaý.
Atalǵan qoldaý sharalary ishki týrizmdi damytýǵa, týristik ónimderdiń sapasyn arttyrýǵa, infraqurylymdy jaqsartýǵa jáne jalpy týristik salanyń básekege qabilettiligin nyǵaitýǵa yqpal etedi.
