Búgin Úkimet otyrysynda Qazaqstan Respýblikasynyń týristik salasyn damytýdyń 2025 jylǵa deiingi memlekettik baǵdarlamasynyń jobasy maquldandy.
Jiynda mádeniet jáne sport ministriniń, birqatar oblys ákimderiniń baiandamalary men táýelsiz sarapshylardyń pikirleri tyńdaldy, dep habarlaidy "Ult aqparat".
A. Mamin Memleket basshysynyń týrizmdi damytýdyń asa mańyzdy ekenin birneshe márte taiǵa tańǵa basqandai atap ótkenin aitty.
«Aldymyzda týrizm salasyn damytý aiasynda kúrdeli, órshil, degenmen qoldan kelerlik mindet tur», — dedi Premer-Ministr A. Mamin.
Aldyn ala baǵalaý boiynsha, QR týristik salasyn damytýdyń 2025 jylǵa deiingi memlekettik baǵdarlamasyn iske asyrý nátijesinde:
- 2025 jylǵa qarai týrizm salasynyń JIÓ-degi úlesi 8%-ǵa deiin jetedi;
- týrizmdi damytýǵa investitsiialar kólemi aldaǵy 7 jylda 2 trln teńgeni quraidy;
- 200 myńǵa jýyq jańa jumys orny qurylady, onyń 72 myńy – turaqty jumys oryndary.
- týrister sany jylyna 7 mln-nan 15 mln-ǵa deiin ulǵaiady.
Premer-Ministr týrizm salasy Qazaqstan ekonomikasynyń draiverine ainalýy tiis ekenin aitty, bul úshin barlyq qajetti jaǵdailar men múmkindikter jasalǵan.
QR Mádeniet jáne sport ministrligine Memlekt basshysymen kelisilgennen keiin Memlekettik baǵdarlama jobasyn Úkimetke bekitýge engizý tapsyryldy.
