بٷگٸن ٷكٸمەت وتىرىسىندا قازاقستان رەسپۋبليكاسىنىڭ تۋريستٸك سالاسىن دامىتۋدىڭ 2025 جىلعا دەيٸنگٸ مەملەكەتتٸك باعدارلاماسىنىڭ جوباسى ماقۇلداندى.
جيىندا مەدەنيەت جەنە سپورت مينيسترٸنٸڭ, بٸرقاتار وبلىس ەكٸمدەرٸنٸڭ باياندامالارى مەن تەۋەلسٸز ساراپشىلاردىڭ پٸكٸرلەرٸ تىڭدالدى, دەپ حابارلايدى "ۇلت اقپارات".
ا. مامين مەملەكەت باسشىسىنىڭ تۋريزمدٸ دامىتۋدىڭ اسا ماڭىزدى ەكەنٸن بٸرنەشە مەرتە تايعا تاڭعا باسقانداي اتاپ ٶتكەنٸن ايتتى.
«الدىمىزدا تۋريزم سالاسىن دامىتۋ اياسىندا كٷردەلٸ, ٶرشٸل, دەگەنمەن قولدان كەلەرلٸك مٸندەت تۇر», — دەدٸ پرەمەر-مينيستر ا. مامين.
الدىن الا باعالاۋ بويىنشا, قر تۋريستٸك سالاسىن دامىتۋدىڭ 2025 جىلعا دەيٸنگٸ مەملەكەتتٸك باعدارلاماسىن ٸسكە اسىرۋ نەتيجەسٸندە:
- 2025 جىلعا قاراي تۋريزم سالاسىنىڭ جٸٶ-دەگٸ ٷلەسٸ 8%-عا دەيٸن جەتەدٸ;
- تۋريزمدٸ دامىتۋعا ينۆەستيتسييالار كٶلەمٸ الداعى 7 جىلدا 2 ترلن تەڭگەنٸ قۇرايدى;
- 200 مىڭعا جۋىق جاڭا جۇمىس ورنى قۇرىلادى, ونىڭ 72 مىڭى – تۇراقتى جۇمىس ورىندارى.
- تۋريستەر سانى جىلىنا 7 ملن-نان 15 ملن-عا دەيٸن ۇلعايادى.
پرەمەر-مينيستر تۋريزم سالاسى قازاقستان ەكونوميكاسىنىڭ درايۆەرٸنە اينالۋى تيٸس ەكەنٸن ايتتى, بۇل ٷشٸن بارلىق قاجەتتٸ جاعدايلار مەن مٷمكٸندٸكتەر جاسالعان.
قر مەدەنيەت جەنە سپورت مينيسترلٸگٸنە مەملەكت باسشىسىمەن كەلٸسٸلگەننەن كەيٸن مەملەكەتتٸك باعدارلاما جوباسىن ٷكٸمەتكە بەكٸتۋگە ەنگٸزۋ تاپسىرىلدى.
