Foto: Aqorda
Toqaev Mońǵoliiaǵa memlekettik saparmen baryp, birneshe kelissózge qol qoidy, dep habarlaidy Ult.kz.
Eki eldiń prezidenti strategiialyq seriktestik ornatý týraly birlesken deklaratsiiaǵa qol qoidy. Sodan keiin qol qoiylǵan qujattardy almasý rásimi ótti.
Qasym-Jomart Toqaev barlyǵy 11 qujatqa qol qoidy:
- Qazaqstan men Mońǵoliia arasyndaǵy zeinetaqy salasyndaǵy yntymaqtastyq týraly kelisim;
- Qazaqstan men Mońǵoliia arasyndaǵy 2025-2027 jyldarǵa arnalǵan saýda-ekonomikalyq yntymaqtastyqty jandandyrý jónindegi jol kartasy;
- Qazaqstan men Mońǵoliia arasyndaǵy aviatsiialyq izdestirý jáne qutqarý salasyndaǵy yntymaqtastyq týraly kelisim;
- Kólik ministrligi men Mońǵoliianyń jol jáne kólik salasyn damytý ministrligi arasyndaǵy avtomobil joldaryn damytý týraly memorandým;
- Syrtqy ister ministrligi men Mońǵoliianyń syrtqy ister ministrligi arasyndaǵy 2025-2027 jyldarǵa arnalǵan yntymaqtastyq týraly jospar;
- Mádeniet jáne aqparat ministrligi men Mońǵoliianyń mádeniet, sport, týrizm jáne jastar isi jónindegi ministrligi arasyndaǵy mádeniet salasyndaǵy yntymaqtastyq týraly memorandým;
- Týrizm jáne sport ministrligi men Mońǵoliianyń mádeniet, sport, týrizm jáne jastar isi jónindegi ministrligi arasyndaǵy týrizm salasyndaǵy yntymaqtastyq týraly memorandým;
- Aýyl sharýashylyǵy ministrligi men Mońǵoliianyń azyq-túlik, aýyl sharýashylyǵy jáne jeńil ónerkásip ministrligi arasyndaǵy yntymaqtastyq týraly memorandým;
- Aýyl sharýashylyǵy ministrligi veterinariialyq baqylaý jáne qadaǵalaý komiteti men Mońǵoliianyń bas veterinariialyq basqarmasy arasyndaǵy veterinariia qyzmeti jáne karantin salasyndaǵy ózara túsinistik týraly memorandým;
- Tsifrlyq damý, innovatsiialar jáne aeroǵarysh ónerkásibi ministrligi men Mońǵoliianyń tsifrlyq damý, innovatsiialar jáne kommýnikatsiialar ministrligi arasyndaǵy yntymaqtastyq týraly memorandým;
- Energetika ministrligi men Mońǵoliianyń atom energiiasy jónindegi komissiianyń atqarýshy keńsesi arasyndaǵy atom energetikasy salasyndaǵy yntymaqtastyq týraly memorandým.
Buǵan deiin Qazaqstan Prezidenti mońǵol jastaryn Qazaqstanda oqýǵa shaqyrǵanyn jazǵan edik.
