video kadry
Týrister kýrorttyq qonaqúidegi shved ústelinen jinaǵan 35 keli taǵamdy ózimen birge alyp ketýge tyrysqan, - dep habarlaidy Tengritravel.kz portaly 24TV arnasyna silteme jasap.
Oqiǵa Antaliada bolǵan. Týrister shved ústeli dep jaiylǵan dastarhannan tamaq pen sýsyndy óz bólmelerine tasi bergen. Osylaisha, jalpy 35 keli tamaq jinap alǵan. Qonaqúiden keterde osy tamaqtyń bárin ózimen alyp ketpek bolǵan, alaida buǵan qyzmetkerler jol bermegen.
Demalýshylar jol sómkelerine kepken kókónis, birneshe keli alma, snekter, kámpit, gazdalǵan sýsyn, qant, shái men ózge de azyq-túlikti toltyryp qoiǵan. Eń qyzyǵy, kádimgi sary maidy da folgaǵa orap alǵan. Onymen qosa, sabyn men sý sabyndy da qaldyrmapty.
Internette qonaqúi qyzmetkerleri demalýshylardyń sómkesinen osy zattardyń bárin alyp shyǵaryp jatqan video tarady.
Beinejazbadan áiel adamnyń jaǵdaidy túsindirýge tyrysyp jatqanyn estýge bolady. Aitýynsha, bul azyq-túliktiń bir bóligin olar aldymen qonaqúi qyzmetkerlerine tastap ketpek bolǵan. Sondai-aq, týrist "jolda tiskebasar taǵam kerek qoi" dep aqtalady.
