Túrkmenstandaǵy eń joǵary memlekettik laýazymǵa elde tirkelgen úsh saiasi partiia jáne bir top adam usynǵan toǵyz kandidat úmitker bolyp otyr.
Olar - qazirgi prezidenttiń uly, vitse-premer Serdar Berdimuhamedov, Maryi oblysy ákimshiligi basshysynyń orynbasary Agdjan Bekmyradov, "Avaza" sanatoriiiniń bas dárigeri Berdimammet Gýrbanov, aýdandyq sanitarlyq-epidemiologiialyq qyzmettiń bastyǵy Maqsatmyrat Ovezgeldiev, "Jańartylatyn energiia kózderi" ǵylymi-óndiristik ortalyǵynyń direktory Kakageldi Saryev, qarjy-ekonomikalyq mektebiniń direktory Perhat Begendjov, "Vepaly gýrlýshyk" sharýashylyq qoǵamynyń direktory Babamyrat Meredov, Túrikmen memlekettik dene shynyqtyrý jáne sport institýtynyń ǵylymi jumys jónindegi prorektory Hydyr Nýnnaev jáne demokratiialyq partiianyń aýdandyq komitetiniń tóraǵasy Maqsat Odeshov.
Túrikmenstannyń zańnamasy sailaýshylarǵa shek qoimaidy.
Túrkimenstannyń sailaý kodeksine sáikes, Ortsailaýkom sailaýdan keiingi jetinshi kúnnen keshiktirmei qorytyndy shyǵarady, hattama jasaidy jáne nátijelerin jariialaidy. Sailaýshylardyń jartysynan kóbi daýysty kimge berse, sol kandidat prezident bolyp jariialanady.
Túrkimenstan prezidenti bolyp eldiń aýmaǵynda dúniege kelgen, keminde 40 jasta, memlekettik tildi meńgergen, aldyńǵy 15 jyl ishinde elde turaqty turyp, jumys isteitin eldiń azamaty sailana alady. Túrkimenstan prezidentin el halqy jeti jyl merzimge sailaidy jáne ol ant bergen sátten bastap qyzmetine kirisedi. Eldiń jańa prezidentin ulyqtaý rásimi 19 naýryzda ótedi.
Foto: Reuters
