Foto: Úkimet
Túrikmenstan Prezidenti Serdar Berdimuhamedov Ortalyq Aziia memleketteri basshylarynyń VI konsýltativtik kezdesýine qatysady. Túrikmenstan basshysyn Qazaqstan Premer-Ministri Oljas Bektenov qarsy aldy. Bul týraly Úkimettiń baspasóz qyzmeti habarlady.
Qazaqstan men Túrikmenstan ózara is-qimyldyń barlyq spektri boiynsha saýda-ekonomikalyq yntymaqtastyqty belsendi túrde keńeitýde. Máselen, 5 jyl ishinde eki el arasyndaǵy ózara saýda kólemi 4 esege ósip, tek sońǵy jyldyń ózinde 28%-ǵa artty.
Biylǵy 6 aida taýar ainalymy $237,2 mln boldy. Búgingi tańda yntymaqtastyqty arttyrýdyń perspektivaly baǵyttary – gaz jáne tranzittik-kólik salalary. Onda avtojoldardy rekonstrýktsiialaý jáne salý boiynsha birqatar iri jobalar iske asyrylyp jatyr.
Onyń ishinde uzyndyǵy 225 shaqyrym bolatyn «Qazaqstan shekarasy – Garabogaz – Túrikmenbashy» jańa avtojolynyń jáne Garabogazgol shyǵanaǵy arqyly ótetin jańa kópirdiń qurylysy bar. Uzyndyǵy 165 shaqyrym «Jańaózen – Túrikmenstan shekarasy» ýchaskesin rekonstrýktsiialaý jobasy pysyqtalýda.
