Jelide tanymal túrik ánshisi Mustafa Sandaldyń qazaq qyzdary týraly aitqan pikiri keńinen taralýda, dep habarlaidy "Ult aqparat".
Sheteldik óner iesi óziniń jeke kontsertinde qazaq qyzdarynyń erekshe bolmysyn atap ótti. Mustafa Sandal qazaq qyzdarynyń sulýlyǵy men mádenietin joǵary baǵalap, olardyń ásemdigi men rýhani bailyǵyn erekshe atap ótken.
“Qazaq qyzdarynyń eti tiri. Olardyń shashy, dene bitimi de keremet! Qazaq qyzdary osyndai. Sol úshin qazaq jigitteri, maǵan olai qaramańdar. Qazaq jigitteriniń joly bolǵan. Qazaq jigitteri basqa qyzdardy kórmegen soń túsinbeidi. Tek kórgen soń túsinedi. Sondyqtan qazaq jigitteri, sizder baqyttysyzdar. Qazaq qyzdarynyń qadirin bilińizder, baǵalańyzdar. Qazaq qyzyna úilený – Allanyń sizge berilgen nyǵmeti", – dedi sheteldik ánshi.
Jeli qoldanýshylary túrli pikir bildirip jatyr. Biri ánshiniń sózin qoldasa, endi biri aldanyp qalmaýǵa úndedi.
“Qazaqtardy ótirik maqtap qoisa boldy, esterin jimai qalady”, “Bul ánshi durys aitady. Túriktiń qyzdary kinodaǵydai ádemi emes”, “Ár elge baryp, sol eldiń qyzdaryn da dál osylai maqtap júr”, “Biz qazaqtyń qyzdary eń keremetimiz”, “Sandal qazaq qyzdaryn syndyryp tastady”, – dep jazdy tyńdarman qaýym.
