2017 jyldyń 2 maýsymynan bastap Qazaqstan Respýblikasynyń «Kollektorlyq qyzmet týraly» Zańy qoldanysqa endi. Kúshine engen Zań nesie alǵandardyń jáne bankterge qaryzy bar adamdardyń quqyǵyn qorǵaýdy kózdeidi. Zańǵa sáikes, kollektorlyq kompaniialar klientterge qatysty málimetterdi qupiia ustaýǵa mindetti. Osy Zań jáne jalpy oblystaǵy qarjy naryǵyndaǵy ahýal týraly búgin BQO Óńirlik kommýnikatsiialar qyzmetinde ótken brifingte málim etildi. «Oblys turǵyndarynyń qarjy saýattylyǵyn arttyrý» taqyrybynda ótken baspasóz máslihatyna QR Ulttyq Banki BQO oblystyq filialynyń direktory Q.Qulbaraqov qatysty.
Onyń aitýynsha, osy kezge deiin kollektorlyq uiymdardyń quqyqtyq jaǵdaiy belgili bir zańnamada naqtylanbai kelgen bolatyn. Olardy, tipti, arnaiy memlekettik organdar da baqylai almaǵan. Endi, qabyldanǵan Zańda boryshkerlerge psihologiialyq qysym qoldanatyn kóleńkeli kollektorlyq agenttikterdiń qyzmeti shektelip, osy baǵyttaǵy shielenister tómendeitindigi aitylýda. Kollektorlar qyzmeti tártipke kelip, boryshkerlerdiń quqyqtary qorǵalatyn bolady.
- Jańa Zańda eki taraptyń quqyqtary men mindetteri tolyq qarastyrylǵan. Boryshkermen alǵash ret bailanysqa shyqqan kollektorlyq agenttik onyń quqyqtary týraly aqparat berýge mindetti. Odan bólek, kollektorlardyń boryshkerlerdi qai ýaqytta mazalaýǵa bolatyndyǵy da aiqyn kórsetilgen. Sóilesý ýaqyty da Zańnamada bekitilgen,-dedi Q.Qulbaraqov.
Budan ári filial direktory qarjylyq qyzmetterdi tutynýshylardyń quqyǵyn qorǵaý men halyqtyń qarjylyq saýattylyǵyn arttyrý týraly aityp berdi.
Onyń aitýynsha, 2017 jyldyń 11 aiynda banktik, saqtandyrý qyzmetteriniń máseleleri jáne ózge de qarjy máseleleri boiynsha Filialǵa 188 ótinish túsken (onyń ishinde 157 jeke tulǵalardyń ótinishi, 31 zańdy tulǵalardyń ótinishi). 89 ótinish boiynsha qujattamalyq tekserýler júrgizildi. Tekseris qorytyndysy boiynsha 2 ekinshi deńgeili bankke jáne 4 mikroqarjylyq uiymǵa 6 shekteýli yqpal etý sharasy qoldanylǵan. Ekinshi deńgeili bankter filialdarynyń ókilderi men qarjylyq qyzmetterdi tutynýshylardyń 11 kezdesýi uiymdastyryldy.
Filialdyń qoǵamdyq qabyldaýynda 289 azamat bolyp, olarǵa qarjy salasynyń túrli máseleleri boiynsha konsýltativtik kómek kórsetildi. Halyqtyń qarjylyq saýattylyǵyn arttyrý maqsatynda Filial qyzmetkerleri 2017 jyldyń qańtar – qarashasynda oblystyń joǵary oqý oryndarynda jáne jalpy orta bilim beretin mektepterde 17 lektsiia oqyp, bank filialdary, mikroqarjylyq uiymdar, kommýnaldyq qyzmet kórsetetin kásiporyndar ókilderiniń basyn qosqan 4 seminar ótkizdi.
Jyl ishinde Ulttyq banktiń «NBK Online» mobildik qosymshasy jóninde aqparat taratylyp, nátijesinde oblysta sol qosymshany qoldanatyndardyń sany 650 adam quraǵan.
