Almaty ákimi Baqytjan Saǵyntaev qalalyq Energotiimdilik jáne infraqurylymdyq damý basqarmasy basshysy Áset Masabaevqa barlyq iesiz jelilerdi berýdi tapsyrdy, dep habarlaidy "Ult aqparat".
Bul týraly ol Feisbýktaǵy paraqshasynda jazdy.
«Turǵyn úi qoryn ustaý máselelerin qaradyq. Jedel sheshetin mańyzdy máseleniń biri — qalanyń barlyq aýdandaryndaǵy iesiz kommýnaldyq jeliler. Bul másele tolyq anyqtalmaǵandyqtan turǵyndar sý, jaryq jáne jylý úshin tarifti asyra tóleýde. Sondyqtan Turǵyndar qala qyzmetteriniń selqostyǵy nemese nemquraidylyǵy saldarynan zardap shekpeýleri tiis. Energotiimdilik jáne infraqurylymdyq damý basqarmasy basshysy Áset Masabaevqa jyl aiaǵyna deiin «Almaty sý» MQK, «Almaty jylý jelileri» JShS, «Alataý Jaryq Kompaniiasy» AQ balanstaryna qalanyń barlyq aýdandaryndaǵy iesiz kommýnaldyq jelilerin ótkizýdi tapsyrdym», - dedi qala ákimi.
