Turǵyn úi qurylysyna ketetin shyǵynnyń 49%-yn qurylys materialdary quraidy. Bul týraly QR Básekelestikti qorǵaý jáne damytý agenttigi «QazAqparat» HAA alańynda ótkizgen bastapqy turǵyn úi naryǵyndaǵy básekelestik týraly Open Space-te aityldy, dep habarlaidy QazAqparat.
«Agenttik bir sharshy metrge jumsalatyn shyǵyndardyń ózindik baǵasy boiynsha taldaý júrgizdi. Shyǵynnyń 49%-yn qurylys materialdary quraidy. 10%-y – jalaqy, 9%-y – ústeme shyǵyndar, 6%-y – paida», - deidi QR Básekelestikti qorǵaý jáne damytý agenttiginiń tóraǵasy Serik Jumanǵarin.
Ol qandai qurylys materialdary shyǵynnyń negizgi bóligin alatynyn aitty.
«Sonymen qatar, qurylys materialdary qurylysqa ketetin shyǵynnyń shamamen 50%-yn quraidy, búginde kirpish – 18%, temirbeton buiymdary – 17%, árleý – 11%, metall konstrýktsiialary men bólshekteri – 10%, basqa shyǵyndar – 35 %», - deidi ol.
