«Turǵyn úi qurylys jinaq banki» AQ fýnktsiialary keńeitilip, «Otbasy bank» dep qaita atalady. Bul týraly QR Indýstriia jáne infraqurylymdyq damý ministri Beibit Atamqulov aityp berdi, dep habarlaidy QazAqparat.
«Biyl 11 mamyrda Prezident turǵyn úi saiasatyn reformalaý boiynsha jańa ideologiiany engizý týraly aitty. Jańa turǵyn úi saiasatynyń negizgi qaǵidasy – halyqtyń tabysy men jinaqtarynyń bolýy. Ol úshin turǵyn úi qurylys jinaq bankine esepke alý fýnktsiiasyn bere otyryp, barlyq azamattardy turǵyn úi alýǵa teń múmkindikpen qamtamasyz etý úshin ákimdikterdegi qazirgi kezek júiesin reformalaý kerek jáne «turǵyn úige muqtaj» uǵymynyń naqty kriteriilerin ázirleý qajet. Turǵyn úi qurylys jinaq bankiniń rebrendingin júzege asyryp, «Birinshi turǵyn úimen qamtamasyz etý ortalyǵy» bazasynda «Otbasy bank» dep qaita ataý usynylady», - dedi spiker Ortalyq kommýnikatsiialar qyzmetinde ótken esep berý brifinginde.
Onyń aitýynsha, usynylyp otyrǵan reforma jumys isteitin árbir azamatqa turǵyn úi satyp ala alatyn teń jáne túsinikti jaǵdai jasaýǵa múmkindik beredi.
Ministr keltirgen derekterge sáikes, jyl basynan beri shamamen 25 myń turǵyn úi nemese 3,1 mln sharshy metr baspana paidalanýǵa berilgen.
Jyl basynan beri 15 mln sharshy metr turǵyn úi salý jáne 39 myńnan astam otbasyn memlekettik qoldaýmen qamtý josparlanǵan.
