Ishki ister ministri Erlan Turǵymbaev elordalyq turǵynnyń ótinishinen keiin qyzmetkerlerin Reseige issaparǵa jiberdi. Olarǵa jalǵyzbasty anany aldaǵan kúdiktini ustaý tapsyryldy, dep habarlaidy QazAqparat.
Ministrliktiń baspasóz qyzmetiniń ókili Shuǵyla Turlybektiń aitýynsha, Erlan Turǵymbaevtyń qabyldaýyna jazylǵan adamdar óz saýaldary men ótinishterin tikelei efirde beinebailanys arqyly málimdep, jaýap alǵan.
«Saýaldar negizinen qylmystyq isterdi tergeýdiń sapasy men merzimderin saqtaýǵa, alaiaqtyqty ashýǵa kómektesýge, kóshi-qon zańnamasy máselelerine qatysty boldy. Sonyń arasynda Nur-Sultan qalasynan jalǵyzbasty ana habarlasyp, qyzyna uialy telefon alyp beremin dep 400 myń teńgesinen aiyrylǵanyn aitty. Áieldiń aitýynsha, áleýmettik jelidegi habarlamaǵa senip, alaiaqtarǵa 400 myń teńge aýdaryp jibergen. Biraq telefon da, aqsha da qaitpaǵan», - deidi IIM baspasóz qyzmetiniń ókili.
«Internet-dúken men abonenttik nómir Reseide tirkelgeni anyqtaldy. Qyzmetkerlerdi reseilik áriptesterimen birge sol jerde tergeýdi jalǵastyrý úshin issaparǵa jiberýdi tapsyramyn. Internet-alaiaqtardyń tuzaǵyna túskender kóp bolýy múmkin. Men bul isti tolyǵymen óz baqylaýyma alamyn», - dep otyr Erlan Turǵymbaev.
Vedomstvo basshysy sońǵy jyly internet alaiaqtyq sany 2,5 ese artqanyn aityp, azamattardy beitanys adamdarǵa senbeýge, alaiaqtardyń aila-amaldaryna túspeýge shaqyrdy.
