Aqtóbe oblysyna saparmen kelgen QR Ishki ister ministriniń orynbasary, politsiia general-maiory Erlan Turǵymbaev jergilikti politseilerge qarý-jaraq ainalymyna baqylaýdy kúsheitýdi tapsyrdy, dep habarlaidy Ult.kz tilshisi «QazAqparat» agenttigine silteme jasap.
IIM baspasóz qyzmetiniń habarlaýynsha, Turǵymbaev óńir qoǵamdastyqtarymen kezdesip, quqyqtyq tártip pen azamattardyń qaýipsizdigin qamtamasyz etý máseleleri boiynsha Aqtóbe oblystyq ishki ister, tótenshe jaǵdailar jáne qylmystyq-atqarý júiesi departamentteriniń basshylyǵymen jeke quramymen nusqaýlyq keńes ótkizdi. Onda IID, TJD jáne Ulttyq gvardiia basshylarynyń atalǵan baǵytta atqaryp jatqan jumystary boiynsha baiandamalary tyńdaldy.
Osydan keiin vitse-ministr Aqtóbe oblystyq politsiiasy gornizonynyń jeke quramyna Memleket basshysynyń ulttyq qaýipsizdikti qamtamasyz etýge baǵyttalǵan tapsyrmalaryn túsindirip, politsiia jumysyn jetildirý ádisteriniń qajettiligine airyqsha nazar aýdartty. Sonymen qatar qoǵamdyq tártipti qorǵaý deńgeiin arttyrý, qarý-jaraq ainalymy men kóshi-qon aǵynyna baqylaýdy kúsheitý qajettigin basa aitty.
Turǵymbaev oblystyq IID bastyǵy Mahambet Ábisatovpen birge 14 adamdy qabyldady. Qabyldaý barysynda kadr máselesi, tergeletin qylmystyq ister qaraldy.
