QR Ishki ister ministri Erlan Turǵymbaev Almatydaǵy 19 jastaǵy Aiajan Edilovanyń ólimine qatysty pikir bildirdi, dep habarlaidy "Ult aqparat".
«Birinshiden, bul jerde tergeýdiń egjei-tegjeiin aita almaimyn, sebebi is Almaty qalasynyń arnaiy prokýrorlarynyń óndirisinde jatyr. Biz kúdiktiniń ustalǵany jáne onyń qylmysty jasaǵany týraly alǵashqy aqparatty berdik. Kez kelgen osyndai qylmystar úshin aiyptalýshynyń psihikalyq jaǵdaiyna kúmán týyndaǵanda árdaiym sot-psihiatriialyq saraptama júrgiziledi. Meniń oiymsha, bul is boiynsha da sondai saraptama taǵaiyndalady. Nátijelerdi Almaty qalasynyń prokýratýra organdarynan bile alasyzdar», - dedi E. Turǵymbaev Ortalyq kommýnikatsiialar qyzmetinde.
Eske salsaq, 19 naýryzda Almatyda 19 jastaǵy boijetken jumystan shyǵyp úiine oralmaǵan. Keiin Aiajan Edilova óli kúiinde tabyldy.
Almaty qalalyq Politsiia departamenti taratqan málimetke sáikes, 20 naýryz kúni qyzdyń ápkesi politsiiaǵa júginip, sińlisiniń joǵalyp ketkenin habarlaǵan. Boijetkendi izdeý úshin arnaiy jedel tergeý toby quryldy.
Izdeý jumysy kezinde qyzdyń sol kúni áleýmettik jelide tanysqan jigitpen kezdesýdi josparlaǵany anyqtaldy. Keiin belgili bolǵandai, boijetken sol beitanys jigittiń qylmystyq áreketinen qaza tapqan. Kúdikti - 1993 jyly týǵan Túrkistan oblysynyń turǵyny.
