Reseilik maman Vladimir Gazzaev Túrkistannyń «Turan» komandasyna bas bapker bolyp taǵaiyndaldy, dep habarlaidy QazAqparat.
Bul jóninde komandanyń baspasóz qyzmeti resmi túrde málim etti.
Vladimir Gazzaev 1980 jyly 1 shildede dúniege kelgen. 1997-1998 jyldarda Vladikavkazdyń «Alaniia» komandasynda kásibi fýtbolshy esebinde dop tepken.
2009 jyldan beri bapkerlikke bet buryp, 2014 jylǵa deiin «Alaniia» klýbynda bapker, bas bapker qyzmetterin atqardy. Odan keiin Qazaqstannyń «Aqtóbe», «Tobyl», Grýziianyń «Rýstavi», Reseidiń «Ýrojai» komandalaryna jetekshilik etti.
«Reseilik maman «Aqtóbe» men «Tobyl» klýbtarynda jaqsy nátije kórsetti. Qazaqstandyq jankúierlerdiń esinde qaldy», - dep málim etti komanda basshylyǵy.
