Búgin, 22 tamyzda saǵat 21:00-de Dúniejúzi qazaqtarynyń qaýymdastyǵy, «Otandastar qory» jáne «Qazaqkontsert» uiymy birlesip, «Uly dala elinen» atty «TURAN» ansambli ártisteriniń onlain kontsertin uiymdastyrady, dep habarlaidy "Ult aqparat".
Kontserttiń maqsaty – mýzykalyq óner arqyly ulttyq biregeilikti saqtaý, qazaq diasporasyna rýhani qoldaý kórsetý, sheteldegi qandastarmen bailanysty nyǵaitý.
Ansambl qazaq halqynyń ulttyq mýzykalyq murasyn jańǵyrtyp, umyt bola bastaǵan tól aspaptardyń súiemeldeýimen ózderiniń úzdik týyndylaryn oryndaidy. «TURAN» ansambli ulttyq mýzykalyq aspaptardyń dybysyn qazirgi zamanǵa sai laiyqtap, jańa formatta usynyp júr. On jyldyq tarihy bar óner ujymy qazaq ulttyq mýzykasyn álemge áigilep, 70-ten astam shet memlekette 600-den astam jeke kontsert bergen. Ansambldiń quramynda Serik Nurmoldaev, Maqsat Medeýbek, Baýyrjan Bekmuhanbetov, Erjigit Áliev, Jantý Dadabaev syndy talantty mýlti instrýmentalist mýzykanttar bar. Qazaq halqynyń otyzdan astam ulttyq mýzykalyq aspaby bolsa, mýzykanttardyń árqaisysy solardyń birnesheýinde oinaýdy meńgergen.
Onlain kontsert Otandastar channel YouTube arnasynda kórsetiledi, barshaǵa qoljetimdi. Bul bastama QR Aqparat jáne qoǵamdyq damý ministrliginiń tapsyrysymen júzege asyp otyr.
