Týnis biligi ulttyq ásker bólimshelerin jeksenbi kúni keshke eldiń birneshe provintsiialaryna memlekettik mekemelerdi qorǵaý jáne tártipsizdikpen kúresý úshin jiberdi. Bul týraly Mosaique fm radiostantsiiasyna bergen suhbatynda Týnis Respýblikasy Qorǵanys ministrliginiń resmi ókili Mohamed Zekri málimdedi, dep habarlaidy "Ult aqparat".
«Qazirgi ýaqytta ásker bólimsheleri Siliana, Kasserin, Bizert jáne Sýs provintsiialarynda qoǵamdyq tártipti kúzetedi», - dep atap ótti Qorǵanys ministrliginiń ókili.
Jeksenbide 16:00-de komendanttyq saǵat bastalǵannan keiin Týnistiń keibir provintsiialarynda tártipsizdik qaita bastalǵan. Kún saiyn Týniste tártipke baǵynbaý áreketteri oryn alýda. Narazylyqqa qatysýshylar barrikadalar turǵyzyp, avtokólik dóńgelekterin órtep, joldardy jaýyp, bilikke qarsy urandar aityp, óz áreketterin ashtyq tóńkeris dep ataýda.
Sonymen qatar, qaýipsizdik qyzmetkerleriniń aitýynsha, jasy 25-ten aspaityn jastar toby dúkenderdiń terezelerin, kóshede turǵan kólikterdi qiratqan, sondai-aq memlekettik mekemeler men qarjy uiymdaryn tonaǵan.
Senbiden jeksenbige qaraǵan túni respýblikanyń ártúrli aimaqtarynda bolǵan tártipsizdikterge qatysqany úshin quqyq qorǵaý organdary 242 adamdy qamaýǵa aldy.
