Reuters aqparat agenttigi Týnis prezidenti Beji Kaid As-Sebsidiń qaitys bolǵanyn habarlady. Agenttiktiń málimdeýinshe, Týnis Grezidenti birneshe kún buryn áskeri aýrýhanaǵa jatqyzylǵan.
92 jastaǵy Beji Kaid as-Sebsi álemdegi eń egde prezident bolǵan. Ol buǵan deiin kelesi prezident sailaýyna túspeitinin aitqan edi. Eldegi sailaý qarashaǵa josparlanǵan.
Biyl maýsym sońynda Beji Kaida as-Sebsidiń densaýlyǵy nasharlap, jergilikti basylymdar onyń ólimi týraly habar taratqan. Keiin prezidenttiń jaqtastary onyń ólimin joqqa shyǵardy.
As-Sebsi «Arab kóktemi» kóterilisinen keiin, 2014 jyly ótken sailaýda jeńiske jetken edi.
2011 jyly Týnistegi narazylyqtan keiin el prezidenti Zin ál-Abidin Ben Ali bilikten ketken. Narazylar Týnisti 23 jyl basqarǵan Ben Alidi «para aldy, týystaryn bilikke tartty» dep aiyptaǵan. Ben Ali narazylyq sharasy kezinde Týnisten qashyp ketken. Oǵan Saýd Arabiiasy saiasi baspana bergen.
