Reuters اقپارات اگەنتتٸگٸ تۋنيس پرەزيدەنتٸ بەجي كايد اس-سەبسيدٸڭ قايتىس بولعانىن حابارلادى. اگەنتتٸكتٸڭ مەلٸمدەۋٸنشە, تۋنيس Gرەزيدەنتٸ بٸرنەشە كٷن بۇرىن ەسكەري اۋرۋحاناعا جاتقىزىلعان.
92 جاستاعى بەجي كايد اس-سەبسي ەلەمدەگٸ ەڭ ەگدە پرەزيدەنت بولعان. ول بۇعان دەيٸن كەلەسٸ پرەزيدەنت سايلاۋىنا تٷسپەيتٸنٸن ايتقان ەدٸ. ەلدەگٸ سايلاۋ قاراشاعا جوسپارلانعان.
بيىل ماۋسىم سوڭىندا بەجي كايدا اس-سەبسيدٸڭ دەنساۋلىعى ناشارلاپ, جەرگٸلٸكتٸ باسىلىمدار ونىڭ ٶلٸمٸ تۋرالى حابار تاراتقان. كەيٸن پرەزيدەنتتٸڭ جاقتاستارى ونىڭ ٶلٸمٸن جوققا شىعاردى.
اس-سەبسي «اراب كٶكتەمٸ» كٶتەرٸلٸسٸنەن كەيٸن, 2014 جىلى ٶتكەن سايلاۋدا جەڭٸسكە جەتكەن ەدٸ.
2011 جىلى تۋنيستەگٸ نارازىلىقتان كەيٸن ەل پرەزيدەنتٸ زين ەل-ابيدين بەن الي بيلٸكتەن كەتكەن. نارازىلار تۋنيستٸ 23 جىل باسقارعان بەن اليدٸ «پارا الدى, تۋىستارىن بيلٸككە تارتتى» دەپ ايىپتاعان. بەن الي نارازىلىق شاراسى كەزٸندە تۋنيستەن قاشىپ كەتكەن. وعان ساۋد ارابيياسى ساياسي باسپانا بەرگەن.
