Sybailas jemqorlyqqa qarsy is-qimyl ulttyq biýrosy "Feniks" kórkemfilminiń túsirilimderine bólingen qarajattyń jymqyrylǵanyn anyqtady, - dep habarlaidy Tengrinews.kz tilshisi vedomstvonyń baspasóz qyzmetine silteme jasap.
Tergeýdiń málimetinshe, "Qazaqfilm" AQ-nyń "T.K.TURAN UNIVERSAL BUSINESS" JShS-ǵa filmniń óndirisine 79 million teńge bólgeni anyqtalǵan. "Onyń 69 million teńgesin kartina prodiýseri Tuńǵyshbai Jamanqulov jymqyrǵan. Ol - "T.K.TURAN UNIVERSAL BUSINESS" JShS-nyń quryltaishysy", - delingen habarlamada.
Sondai-aq, qarajattyń qosalqy merdigerlik uiymdarda qolma-qol aqshaǵa ainaldyrylyp, Tuńǵyshbai Jamanqulovqa berilgeni aitylady.
Sonymen qatar, qarajat jymqyrýǵa "Qazaqfilm" AQ-nyń ekonomika jáne qarjy jónindegi basqarýshy direktory G.Ysqaqovanyń jáne filmniń atqarýshy prodiýseri N.Iýdinanyń qatysy bar ekeni dáleldengeni habarlanyp otyr. Aita keteiik, olar sottyń sanktsiiasymen qamaýǵa alynǵan bolatyn.
Tuńǵyshbai Jamanqulovtyń 2 qarashada ustalǵany belgili boldy.
