Medeý aýdandyq №2 sotynyń sýdiasy Táken Shákirov "Feniks" filminiń túsirilimderine bólingen qarajatty jymqyrý isi boiynsha úkim shyǵardy, - dep habarlaidy kaz.tengrinews.kz tilshisi sot zalynan.
Sottyń úkimine sáikes, Tuńǵyshbai Jamanqulov 189-bap ("Senip tapsyrylǵan bóten múlikti iemdenip alý nemese talan-tarajǵa salý") boiynsha aiypty dep tanyldy. Ol 7 jyl shartty túrde sottaldy. Sonymen qatar, ol 5 jylǵa basqarýshy qyzmetterdi atqara almaidy. Raqymshylyqqa bailanysty, Jamanqulovtyń jaza merzimi eki ese qysqartyldy.
Rejisser Talǵad Jánibekov te aiypty dep tanylyp, ol shartty túrde 7 jylǵa sottaldy, ol da bes jylǵa basqarýshy qyzmetterdi atqara almaidy. Sýdia onyń bultartpaý sharasyn eshqaida ketpeý týraly qolhatpen bosatýǵa aýystyrdy.
"Qazaqfilm" AQ burynǵy top-menedjeri Gaýhar Ysqaqova "Laýazymdyq ókilettikterdi teris paidalaný" baby boiynsha aiypty dep tanyldy. ol 1 jylǵa shartty túrde sottaldy. Ol sot zalynda qamaýdan bosatyldy.
"Feniks" filminiń atqarýshy prodiýseri Natalia Iýdina jeti jylǵa shartty túrde sottaldy. Raqymshylyqqa bailanysty onyń jazasy 3,5 jylǵa qysqartyldy. Ol ja bes jyl boiy baqsarýshy qyzmetterdi atqara almaidy.
Kartina redaktory Gizat Sultanov QR Qylmystyq kodeksiniń 189-baby "Senip tapsyrylǵan bóten múlikti iemdenip alý nemese talan-tarajǵa salý" boiynsha aiypty dep talynyp, bes jylǵa shartty túrde sottaldy.
Jeke kásipker Ilia Korobeinikov bes jylǵa shartty jaza aldy. Raqymshylyqqa bailanystyń onyń jaza merzimi - 3 jyl 9 ai.
"Feniks" filminiń daiyndyq merzimindegi túsirilim tobynyń direktory Marlen Ábishev bes jylǵa shartty jaza aldy. Raqymshylyq boiynsha, onyń jaza merzimi 3 jyl 9 ai. Kartinanyń ekinshi rejisseri Bijan Ábishev múlki tárkilene otyryp, bir jylǵa shartty sottaldy.
Jeke kásipker Daniiar Ábdiqadyrov jeti jylǵa shartty jazaǵa kesildi.
Sot úkimi ázirshe kúshine engen joq jáne shaǵym túsirilýi múmkin.
Tuńǵyshbai Jamanqulovtyń advokaty Ǵaliia Narataýaova úkimmen kelispeitinin jáne qorǵaýyndaǵy azamat aiyppen kelispegendikten úkimge shaǵym túsiretinin aitty.
Talǵad Jánibekovtiń advokaty Serik Aitbaev úkimge qanaǵattanatynyn jáne shaǵym túsirmeitinin málimdedi.
QR Mádeniet jáne sport ministrliginiń azamattyq shaǵymy ishinara qanaǵattandyryldy. Sot ministrliktiń paidasyna Jamanqulovtan 3,4 million teńge, Jánibekovten 4,3 millioan teńge, sottalýshy Gizat Sultanovtan 1 million 54 myń teńge, Daniiar Ábdiqadyrovtan 9,6 million teńge óndirý týraly sheshim shyǵardy. Sottalýshylardan jalpy 18,4 million teńge ónidiriledi.
Aita keteiik, osy atyshýly is boiynsha basty sot otyrysy 9 naýryzda bastalǵan edi. Sottalýshylar "Feniks" filmine bólingen qarajatty (69 million teńge) jymqyrdy dep aiyptady.
