Tuńǵyshbai Jamanqulov keltirgen shyǵynyń bir bóligin qaitardy. Bul týraly búgin QR Parlamenti Májilisiniń jalpy otyrysynan keiin QR Memlekettik qyzmet isteri jáne sybailas jemqorlyqqa qarsy is-qimyl agenttiginiń tóraǵasy Qairat Qojamjarov osylai málim etti, dep habarlaidy QazAqparat.
Osyǵan deiin Jamanqulov shyǵyndy ishinara ótegendigi habarlanǵan edi, bul turǵyda Qojamjarov akterdiń tólegen qarjysyn naqtylap ótti. Agenttik basshysynyń sózine qaraǵanda, búginde Tuńǵyshbai Jamanqulov 6 mln. teńgege jýyq qarjyny qaitardy.
Sonymen qatar «Qazaqfilm» aldyndaǵy barlyq bereshegin tóleitindigi týraly mindettemeni ózine alyp otyr.
Eske sala keteiik, kúdikti retinde ustalǵan tanymal akter kepilzatpen bosatylyp, qazirgi kezde Tuńǵyshbai Jamanqulov úiinde.
Budan buryn habarlanǵandai, qarasha aiynyń basynda «Jamanqulov óz kinásin moiyndady» degen aqparat taraǵan bolatyn. Ol 2 qarashada qarjyny jymqyrdy degen kúdikpen ustaldy. Tergeý «Qazaqfilm» AQ filmniń bastapqy ázirlik jáne daiyndyq kezeńderine «T.K.Turan Universal Business» JShS-na 79 mln teńge bólgenin anyqtady.
Bul somanyń 69 mln teńgesin onyń quryltaishysy bolyp tabylatyn «T.K.Turan Universal Business» JShS arqyly kartinanyń bas prodiýseri Tuńǵyshbai Jamanqulov jymqyrǵandyǵy habarlandy.
