Foto: informburo.kz
Konstitýtsiiadan Tuńǵysh Prezident týraly normalar alynǵannan keiin ol zań is júzinde kúshin joidy. Bul týraly QR Ádilet ministri Qanat Mýsin aitty, dep habarlaidy QazAqparat agenttigi.
Parlament palatalarynyń birlesken otyrysynan keiin BAQ ókilderi ministrden «Tuńǵysh Prezident týraly zań qashan kúshin joiady?» dep suraǵan edi.
«Zań Parlamentke engizilgennen keiin qaralady. Onyń qashan engiziletinin aita almaimyn. Zań týraly bastama kóteretin úsh sýbekti bar: Prezident nemese Úkimet ne Parlament depýtattarynyń ózderi. Qazir jumys jasap jatyrmyz. Ol zańnan basqa da zańdar bar. Halyqtyń ál-aýqatyn kóterý kerek. Eń birinshi qaralatyn másele sol ǵoi. Ýaqyty kelgende qabyldaimyz. Konstitýtsiiadan Tuńǵysh Prezident týraly normalar alynǵannan keiin ol zań is júzinde kúshin joidy. Sondyqtan ony formaldy túrde kúshi joiyldy dep qaýly qabyldaý úshin zań daiyndaý kerek», - dedi ol.
Sonymen qatar Qanat Mýsin Konstitýtsiiaǵa engizilgen ózgerister tolyq kúshine engenin atap ótti.
