Konstitýtsiialyq Keńeske Tuńǵysh Prezident Nursultan Nazarbaevtyń el tarihyndaǵy róli týraly mártebe beretin normany Konstitýtsiiadan alyp tastaý jóninde ótinim joldandy, dep habarlaidy QazAqparat.
Bul týraly QR Memlekettik hatshysy Erlan Qarin telegram kanalynda jazdy.
«Búgin Konstitýtsiialyq Keńes el Konstitýtsiiasyna túzetýler engizý jobasyn jaqtaityn qorytyndy shyǵardy. Bul Konstitýtsiialyq reformany iske asyrýdyń eń mańyzdy, el men ult bolashaǵynda máni zor kezeńderiniń biri. Konstitýtsiialyq reforma bilik tarmaqtarynyń arasyndaǵy teńgerimdi ońtailandyryp, halyqtyń memleketti basqarýǵa qatysý múmkindigin keńeitedi jáne azamattardyń konstitýtsiialyq quqyqtarynyń qorǵalýyn kúsheitedi. Sondai-aq jumys tobynyń keibir músheleriniń pikirin eskere otyryp, Konstitýtsiialyq Keńeske Tuńǵysh Prezidenttiń mártebesine qatysy bar normany alyp tastaý týraly qosymsha ótinim joldandy. Jumys toby músheleriniń pikiri boiynsha, Tuńǵysh Prezidenttiń tarihi róli jalpyǵa málim jáne ony Konstitýtsiiada jekelep bekitý qajet etpeidi», - dep jazdy ol.
Memleketik hatshynyń jazbasyna qaraǵanda, Konstitýtsiialyq Keńestiń engiziletin túzetýler jobasyna qarsylyǵy joq.
«Konstitýtsiialyq Keńes túzetýlerdiń búkil tarmaqtary Konstitýtsiiaǵa sai degen qorytyndy berdi. Konstitýtsiialyq norma tutastai memlekettik-saiasi modeldi transformatsiialaýǵa baǵyttalǵan jáne qoǵam igiligi úshin júrgizilip jatyr», - dep tolyqtyrdy Erlan Qarin.
