Tuńǵysh Prezident barsha álemge jaýapty saiasatkerdiń úlgisin kórsetti. QR Prezidentiniń keńesshisi Erlan Qarin osyndai pikirin bildirdi, dep habarlaidy "Ult aqparat".
«Búgin Tuńǵysh Prezident Nursultan Nazarbaev óz erkimen ókilettigin toqtatqanyna bir jyl boldy. Elbasy prezidenttik laýazymnan óziniń saiasi yqpalynyń shyńynda turǵan kezinde ketti. Ol prezidenttik merzimi aiaqtalǵanǵa deiin óziniń ókilettigin júzege asyrýǵa qaýqarly boldy. Bul jaiynda halyqtyń keńinen qoldaýyna ie bolǵanyn kórsetken barlyq prezidenttik sailaýlar nátijeleri aiqyn baiqatty», - dep jazdy E. Qarin Telegram-da.
Osy oraida ol Nazarbaev qazaqstandyqtar úshin ultty biriktiretin barlyq qundylyqtardyń beinesi retinde bolǵanyn atap ótti.
E. Qarinniń paiymynsha, Tuńǵysh Prezident kezekti ret jaýapty saiasatkerdiń úlgisin kórsetti. Bir jyl buryn prezidenttik mandatty óz erkimen toqtatý týraly Nursultan Nazarbaevtyń sheshimi kópshilik úshin kútpegen jaǵdai boldy, biraq ta osy sheshim qanshalyqty kóregendik ekenin barlyǵy túsinip otyr. Elbasy eldi transformatsiiaǵa daiyndap, biliktiń ońtaily tranzitin qamtamasyz etti. Nátijesinde, 2019 jyldyń 9 maýsymynda qazaqstandyqtar onyń qoiǵan baǵytyn jalǵastyrý úshin daýys berdi. Osy oraida Qazaqstannyń saiasi tarihynyń jańa kúntizbesi bastaldy. Jańa Prezident Qasym-Jomart Toqaevqa damýdyń burynǵy baǵytyn jalǵastyryp, jańa maqsattardy sheshýi qajet boldy.
«Osy kúnderi barsha álem pandemiiamen kúresip jatqanda, túrli elderde TJ rejimi engizilip, shekaralar jabylyp jatqan kezeńde, qazaqstandyq bilik shuǵyl áreket etý qabiletin kórsetýde, sondai-aq ozyq júrip áreket etýde. Memlekettik mashina úilesimdi jumys isteýde. Dál osyndai sátte memlekettiń qalyptasqanyn ári shynymen de kúrdeli mindetterdi sheshýge qaýqarly ekeni túsinikti bolyp otyr», - dedi Erlan Qarin.
.jpeg)