Mádeniet jáne sport ministri Aqtoty Raiymqulova koronavirýs infektsiiasynyń taralý qaýpi aiasynda elimizdegi meiramhanalar men oiyn-saýyq ortalyqtary qalai jumys isteitinin aityp berdi, dep habarlaidy QazAqparat.
«Jedel áreket etý shtabynda aitylǵan keńesterdi tyńdap, usynystardy júzege asyrý maqsatynda bas sanitarlyq dárigerdiń keńesi boiynsha adamdar kóp jinalatyn sharalardan bas tarta turǵan jón. Qandai jaǵdai bolmasyn sanitarlyq-dezinfektsiialyq sharalar oryndalyp, azamattardyń qaýipsizdigin qamtamasyz etý kerek», - dedi ministr OKQ-da ótken baspasóz máslihatynda.
Sonymen qatar, Aqtoty Raiymqulova túngi klýbtarda da sharalardy ótkizýge tyiym salynatynyn jetkizdi.
«Joǵaryda atalǵan usynystar negizinde 13 naýryzda halyq kóp jinalatyn buqaralyq sharalardy ótkizýge tyiym salyndy. Aitylyp otyrǵan uiymdar, túngi klýbtar – bul reglamentke kiredi. Sol sebepti mundai mekemelerde sharalardy ótkizýge tyiym salynǵanyn atap ótkim keledi», - dedi ol.
Eske sala ketsek, 14 naýryzda elordada ótken baspasóz máslihatynda Densaýlyq saqtaý ministri Eljan Birtanov Qazaqstanda eki adamnyń koronavirýs juqtyrǵanyn jetkizgen edi. Kóp ýaqyt ótpei Milan qalasynan Nur-Sultanǵa kelgen taǵy bir qazaqstandyqtan koronavirýs infektsiiasy tabyldy.
Keiin Germaniiadan ushyp kelgen Qazaqstan azamatynan koronavirýs anyqtaldy.
Al búgin taǵy eki azamattyń osy dertti juqtyrǵany belgili boldy. Osylaisha bul dertke shaldyqqandar sany 6 adamǵa jetip otyr.
