مەدەنيەت جەنە سپورت مينيسترٸ اقتوتى رايىمقۇلوۆا كوروناۆيرۋس ينفەكتسيياسىنىڭ تارالۋ قاۋپٸ اياسىندا ەلٸمٸزدەگٸ مەيرامحانالار مەن ويىن-ساۋىق ورتالىقتارى قالاي جۇمىس ٸستەيتٸنٸن ايتىپ بەردٸ, دەپ حابارلايدى قازاقپارات.
«جەدەل ەرەكەت ەتۋ شتابىندا ايتىلعان كەڭەستەردٸ تىڭداپ, ۇسىنىستاردى جٷزەگە اسىرۋ ماقساتىندا باس سانيتارلىق دەرٸگەردٸڭ كەڭەسٸ بويىنشا ادامدار كٶپ جينالاتىن شارالاردان باس تارتا تۇرعان جٶن. قانداي جاعداي بولماسىن سانيتارلىق-دەزينفەكتسييالىق شارالار ورىندالىپ, ازاماتتاردىڭ قاۋٸپسٸزدٸگٸن قامتاماسىز ەتۋ كەرەك», - دەدٸ مينيستر وكق-دا ٶتكەن باسپاسٶز مەسليحاتىندا.
سونىمەن قاتار, اقتوتى رايىمقۇلوۆا تٷنگٸ كلۋبتاردا دا شارالاردى ٶتكٸزۋگە تىيىم سالىناتىنىن جەتكٸزدٸ.
«جوعارىدا اتالعان ۇسىنىستار نەگٸزٸندە 13 ناۋرىزدا حالىق كٶپ جينالاتىن بۇقارالىق شارالاردى ٶتكٸزۋگە تىيىم سالىندى. ايتىلىپ وتىرعان ۇيىمدار, تٷنگٸ كلۋبتار – بۇل رەگلامەنتكە كٸرەدٸ. سول سەبەپتٸ مۇنداي مەكەمەلەردە شارالاردى ٶتكٸزۋگە تىيىم سالىنعانىن اتاپ ٶتكٸم كەلەدٸ», - دەدٸ ول.
ەسكە سالا كەتسەك, 14 ناۋرىزدا ەلوردادا ٶتكەن باسپاسٶز مەسليحاتىندا دەنساۋلىق ساقتاۋ مينيسترٸ ەلجان بٸرتانوۆ قازاقستاندا ەكٸ ادامنىڭ كوروناۆيرۋس جۇقتىرعانىن جەتكٸزگەن ەدٸ. كٶپ ۋاقىت ٶتپەي ميلان قالاسىنان نۇر-سۇلتانعا كەلگەن تاعى بٸر قازاقستاندىقتان كوروناۆيرۋس ينفەكتسيياسى تابىلدى.
كەيٸن گەرمانييادان ۇشىپ كەلگەن قازاقستان ازاماتىنان كوروناۆيرۋس انىقتالدى.
ال بٷگٸن تاعى ەكٸ ازاماتتىڭ وسى دەرتتٸ جۇقتىرعانى بەلگٸلٸ بولدى. وسىلايشا بۇل دەرتكە شالدىققاندار سانى 6 ادامعا جەتٸپ وتىر.
