Biyl tumaýǵa qarsy vaktsina 10 qyrkúiek pen 10 qarasha aralyǵynda júrgiziledi. Bul týraly Almaty qalasynyń «Almaly aýdany MSAK ortalyǵy» pediatriia bóliminiń meńgerýshisi» Maira Makeeva onlain brifing barysynda aitty, dep habarlaidy QazAqparat.
Onyń aitýynsha, tumaýǵa qarsy tegin vaktsina jyl saiyn belgili bir sanattaǵy adamdarǵa salynyp keldi. Bul úrdis biyl da jalǵasady.
«Biz júkti áielder (2-3 trimestrde), meditsinalyq qyzmetkerler men 18 jasqa deiingi sozylmaly aýrýlary bar balalardy, internat, balalar úii siiaqty jabyq mekemelerde ornalasqandardy, sondai-aq múmkindigi shekteýli jandar men jasy 60-tan asqan azamattardy jyl saiyn tumaýǵa qarsy tegin ekpemen qamtamasyz etip keldik. Biyl da ár ýchaskelik dáriger osy sanattaǵy azamattardy tegin ekpemen qamtamasyz etý úshin aýrýhanaǵa shaqyratyn bolady», - dedi Maira Makeeva.
Onyń aitýynsha, tumaýdyń ózi qaýipti emes. Onyń bakterialdy asqynýy qaýipti.
«Jyl saiyn álemde tumaýdyń A jáne B túri boiynsha zertteýler júrgizilýde. Nátijesinde virýstyń mýtatsiiaǵa ushyraitynyn baiqap otyrmyz. Sondyqtan jyl saiyn da vaktsina jańartylyp otyrady. Biyl da jańartylǵan vaktsina salynady. Ol Reseide óndirilgen. Negizi tumaýdyń ózi qaýipti emes. Onyń bakterialdy asqynýy qaýipti. Nátijesinde aýrý bakterialdy pnevmoniiaǵa ulasyp ketýi múmkin»,– deidi ol.
Sondai-aq, ol tumaýǵa qarsy vaktsinany turǵyndar jaqsy kóteretinin jáne onyń tiimdi ekenin atap ótti.
