بيىل تۇماۋعا قارسى ۆاكتسينا 10 قىركٷيەك پەن 10 قاراشا ارالىعىندا جٷرگٸزٸلەدٸ. بۇل تۋرالى الماتى قالاسىنىڭ «المالى اۋدانى مساك ورتالىعى» پەدياترييا بٶلٸمٸنٸڭ مەڭگەرۋشٸسٸ» مايرا ماكەەۆا ونلاين بريفينگ بارىسىندا ايتتى, دەپ حابارلايدى قازاقپارات.
ونىڭ ايتۋىنشا, تۇماۋعا قارسى تەگٸن ۆاكتسينا جىل سايىن بەلگٸلٸ بٸر ساناتتاعى ادامدارعا سالىنىپ كەلدٸ. بۇل ٷردٸس بيىل دا جالعاسادى.
«بٸز جٷكتٸ ەيەلدەر (2-3 تريمەستردە), مەديتسينالىق قىزمەتكەرلەر مەن 18 جاسقا دەيٸنگٸ سوزىلمالى اۋرۋلارى بار بالالاردى, ينتەرنات, بالالار ٷيٸ سيياقتى جابىق مەكەمەلەردە ورنالاسقانداردى, سونداي-اق مٷمكٸندٸگٸ شەكتەۋلٸ جاندار مەن جاسى 60-تان اسقان ازاماتتاردى جىل سايىن تۇماۋعا قارسى تەگٸن ەكپەمەن قامتاماسىز ەتٸپ كەلدٸك. بيىل دا ەر ۋچاسكەلٸك دەرٸگەر وسى ساناتتاعى ازاماتتاردى تەگٸن ەكپەمەن قامتاماسىز ەتۋ ٷشٸن اۋرۋحاناعا شاقىراتىن بولادى», - دەدٸ مايرا ماكەەۆا.
ونىڭ ايتۋىنشا, تۇماۋدىڭ ٶزٸ قاۋٸپتٸ ەمەس. ونىڭ باكتەريالدى اسقىنۋى قاۋٸپتٸ.
«جىل سايىن ەلەمدە تۇماۋدىڭ ا جەنە ب تٷرٸ بويىنشا زەرتتەۋلەر جٷرگٸزٸلۋدە. نەتيجەسٸندە ۆيرۋستىڭ مۋتاتسيياعا ۇشىرايتىنىن بايقاپ وتىرمىز. سوندىقتان جىل سايىن دا ۆاكتسينا جاڭارتىلىپ وتىرادى. بيىل دا جاڭارتىلعان ۆاكتسينا سالىنادى. ول رەسەيدە ٶندٸرٸلگەن. نەگٸزٸ تۇماۋدىڭ ٶزٸ قاۋٸپتٸ ەمەس. ونىڭ باكتەريالدى اسقىنۋى قاۋٸپتٸ. نەتيجەسٸندە اۋرۋ باكتەريالدى پنەۆمونيياعا ۇلاسىپ كەتۋٸ مٷمكٸن»,– دەيدٸ ول.
سونداي-اق, ول تۇماۋعا قارسى ۆاكتسينانى تۇرعىندار جاقسى كٶتەرەتٸنٸن جەنە ونىڭ تيٸمدٸ ەكەنٸن اتاپ ٶتتٸ.
