Ulttyq densaýlyq saqtaý ortalyǵy infektsiialyq aýrýlardyń aldyn alý departamentiniń direktory Jumabek Bekenov tumaýǵa qarsy vaktsinanyń baǵasyn aitty, dep habarlaidy "Ult aqparat".
«Bizde táýkel toby bar. Ol adamdarǵa mindetti túrde biýdjet esebinen 2 mln doza satyp alyndy. Juqpaǵa qarsy ekpeler eldi mekenderdegi turǵylyqty jerine jaqynda ornalasqan meditsinalyq mekemelerde (emhanalarda) jasalady. Jalpy, óziniń qarjysy esebinen ekpe alamyn degenderge aqyly túrde uiymdastyrylady. Vaktsinany daiyndaǵan eline bailanysty ekpe baǵasynda aiyrmashylyq bolady. Iaǵni reseilik ári Frantsiia vaktsinalary bar. «SQ-Farmatsiia» málimetinshe, olardyń baǵasy 2200 teńgeden 4500 teńge aralyǵynda», - dedi departament basshysy Ortalyq kommýnikatsiialar qyzmetinde.
Onyń sózine qaraǵanda, Reseidegi tumaý shtamdary Qazaqstanda taraǵan shtammen uqsas. Sebebi eki el de bir klimattyq beldeýde ornalasqan.
«Biz halyqtyń 10 paiyzynan astamyn biýdjet esebinen qamtamasyz etpekpiz. Bul óz kezeginde aýrýdyń tómendeýine eleýli áser etedi», - dedi J. Bekenov.
