Álem boiynsha koronavirýsty 100 myńnan astam adam juqtyrdy. Buqaralyq sharalardyń ótpeitinin, reisterdiń shegerilgenin aqparattardan estip otyrǵan halyq tamaǵy jybyrlap, azdap jótelse de, qaýiptenip, alańdaýy múmkin. Sol sebepti tumaý men koronavirýs belgilerin ajyrata bilgen jón, dep jazady CNN.
«Meditsina jáne infektsiialyq aýrýlar professory men vaktsinalardy zertteý tobynyń direktory Greg Polsha allergiia, tumaý men koronavirýs simptomdary týraly suhbat berdi», - dep jazady agenttik.
Mamandardyń aitýynsha, murynnyń bitelip, kózdiń qyshýy – allergiia belgisi.
«Mezgildik allergiia muryn men kózge áser etedi. Keide dene bórtýi múmkin», - deidi professor. Onyń aitýynsha, koronavirýs pen tumaý simptomdary júieli sipatta bolady.
«Tumaý men jańa koronavirýs basqa da aǵzaǵa áser etedi. Mysaly, tynys alý joldaryna áser etýi múmkin. Bul ekeýinde de álsizdik baiqalady, emdelýshi kóbine jata bergisi keledi. Bir qaraǵanda bul eki aýrý simptomdary birdei jáne olardy ajyratý múmkin emes siiaqty kórinedi», - dep jazady avtor.
Onyń aitýynsha, tumaý kezinde adam birneshe kúnnen keiin ózin jaqsy sezine bastaidy, al koronavirýsta kerisinshe, kún ótken saiyn jaǵdai nasharlai beredi.
«Koronavirýs kezinde demikpe baiqalady. Degenmen, tumaý men koronavirýstyń alǵashqy satylarynda olardyń esh aiyrmashylyǵy joq», - deidi professor.
