Ulttyq televiziialyq «Tumar» báigesine qatysý úshin ótinimderdi qabyldaý bastaldy, dep habarlaidy "Ult aqparat".
Báigege qatysýǵa 2019 jyly qazaqstandyq telearnalarynyń efirine shyqqan telejobalar qatysa alady. Konkýrsqa qatysý úshin ótinimderdi respýblikalyq jáne aimaqtyq telearnalar, kásibi televiziialyq kontent shyǵaratyn stýdiialar men kompaniialar usyna alady. Konkýrsqa qatysý úshin ótinimderdi tvtumar.kz saitynda 2 naýryzyna deiin toltyrýǵa bolady.
«Tumar» ulttyq televiziialyq báigesiniń nominatsiialary:
1. Úzdik televiziialyq serial
2. Úzdik áleýmettik joba
3. Úzdik derekti film
4. Úzdik tok-shoý
5. Úzdik oiyn-saýyq baǵdarlamasy
6. Úzdik aqparattyq baǵdarlama
7. Úzdik telejúrgizýshi
8. Úzdik telejýrnalist
9. Úzdik rejisserlik jumys
10. Úzdik aimaqtyq telearna
«Tumar» ultyq televiziialyq báigesi 2017 jyly Qazaqstan Respýblikasy Aqparat jáne qoǵamdyq damý ministrliginiń bastamasymen qurylǵan. Atalmysh ýaqyt aralyǵynda otandyq telejýrnalistikasynyń 36 mamany ekskliýzivti músinsheniń iesi atandy.
Jeńimpazdardyń qatarynda jýrnalistikanyń «jiligin shaqqan» maitalmandarmen qatar, jas ta bolsa osy salanyń úlken úmitine ainalǵan jáne óziniń kásibi biliktiligin kórsete bilgen jastar da bar.
Joba qurylǵan jyldardan bastap báigege qatysýǵa barlyǵy 898 ótinim qabyldandy, olardyń ishinen 138 ótinim bas júlde - báigeniń basty syilyǵy jezden jáne áinekten jasalǵan «Tumar» músinshesi úshin talasqa túsken bolatyn.
Tórtinshi «Tumar» syilyǵy erekshe bolady - ótken jyldardaǵy qazylar alqasy men kásibi qoǵamdastyqtyń usynystaryn eskere otyryp, Uiymdastyrýshy komiteti, biyl ár jeńimpazǵa «Tumar» músinshesine qosa bir million teńge kóleminde qarjylai syiaqy taǵaiyndaý týraly sheshim qabyldady.
Sonymen qatar, baiqaý tarihynda alǵash ret qazylar alqasynyń quramynda qazaqstandyq televiziiasynyń kásibi mamandarymen qatar, halyqaralyq deńgeidegi sarapshylar da boi túzeidi.
