ۇلتتىق تەلەۆيزييالىق «تۇمار» بەيگەسٸنە قاتىسۋ ٷشٸن ٶتٸنٸمدەردٸ قابىلداۋ باستالدى, دەپ حابارلايدى "ۇلت اقپارات".
بەيگەگە قاتىسۋعا 2019 جىلى قازاقستاندىق تەلەارنالارىنىڭ ەفيرٸنە شىققان تەلەجوبالار قاتىسا الادى. كونكۋرسقا قاتىسۋ ٷشٸن ٶتٸنٸمدەردٸ رەسپۋبليكالىق جەنە ايماقتىق تەلەارنالار, كەسٸبي تەلەۆيزييالىق كونتەنت شىعاراتىن ستۋدييالار مەن كومپانييالار ۇسىنا الادى. كونكۋرسقا قاتىسۋ ٷشٸن ٶتٸنٸمدەردٸ tvtumar.kz سايتىندا 2 ناۋرىزىنا دەيٸن تولتىرۋعا بولادى.
«تۇمار» ۇلتتىق تەلەۆيزييالىق بەيگەسٸنٸڭ نوميناتسييالارى:
1. ٷزدٸك تەلەۆيزييالىق سەريال
2. ٷزدٸك ەلەۋمەتتٸك جوبا
3. ٷزدٸك دەرەكتٸ فيلم
4. ٷزدٸك توك-شوۋ
5. ٷزدٸك ويىن-ساۋىق باعدارلاماسى
6. ٷزدٸك اقپاراتتىق باعدارلاما
7. ٷزدٸك تەلەجٷرگٸزۋشٸ
8. ٷزدٸك تەلەجۋرناليست
9. ٷزدٸك رەجيسسەرلٸك جۇمىس
10. ٷزدٸك ايماقتىق تەلەارنا
«تۇمار» ۇلتىق تەلەۆيزييالىق بەيگەسٸ 2017 جىلى قازاقستان رەسپۋبليكاسى اقپارات جەنە قوعامدىق دامۋ مينيسترلٸگٸنٸڭ باستاماسىمەن قۇرىلعان. اتالمىش ۋاقىت ارالىعىندا وتاندىق تەلەجۋرناليستيكاسىنىڭ 36 مامانى ەكسكليۋزيۆتٸ مٷسٸنشەنٸڭ يەسٸ اتاندى.
جەڭٸمپازداردىڭ قاتارىندا جۋرناليستيكانىڭ «جٸلٸگٸن شاققان» مايتالماندارمەن قاتار, جاس تا بولسا وسى سالانىڭ ٷلكەن ٷمٸتٸنە اينالعان جەنە ٶزٸنٸڭ كەسٸبي بٸلٸكتٸلٸگٸن كٶرسەتە بٸلگەن جاستار دا بار.
جوبا قۇرىلعان جىلداردان باستاپ بەيگەگە قاتىسۋعا بارلىعى 898 ٶتٸنٸم قابىلداندى, ولاردىڭ ٸشٸنەن 138 ٶتٸنٸم باس جٷلدە - بەيگەنٸڭ باستى سىيلىعى جەزدەن جەنە ەينەكتەن جاسالعان «تۇمار» مٷسٸنشەسٸ ٷشٸن تالاسقا تٷسكەن بولاتىن.
تٶرتٸنشٸ «تۇمار» سىيلىعى ەرەكشە بولادى - ٶتكەن جىلدارداعى قازىلار القاسى مەن كەسٸبي قوعامداستىقتىڭ ۇسىنىستارىن ەسكەرە وتىرىپ, ۇيىمداستىرۋشى كوميتەتٸ, بيىل ەر جەڭٸمپازعا «تۇمار» مٷسٸنشەسٸنە قوسا بٸر ميلليون تەڭگە كٶلەمٸندە قارجىلاي سىياقى تاعايىنداۋ تۋرالى شەشٸم قابىلدادى.
سونىمەن قاتار, بايقاۋ تاريحىندا العاش رەت قازىلار القاسىنىڭ قۇرامىندا قازاقستاندىق تەلەۆيزيياسىنىڭ كەسٸبي ماماندارىمەن قاتار, حالىقارالىق دەڭگەيدەگٸ ساراپشىلار دا بوي تٷزەيدٸ.
