«Tumar» ulttyq televiziialyq báigesin uiymdastyrýshylary 13 naýryzǵa josparlanǵan saltanatty shara televiziialyq formatta kórermensiz ótetinin málim etti, dep habarlaidy "Ult aqparat".
Atalǵan sheshim álemdegi koronavirýs pandemiiasyna bailanysty aldyn alý sharasyn iske asyrý maqsatynda qabyldanǵan.
12 naýryz kúni QR Prezidenti janyndaǵy Ortalyq kommýnikatsiialar qyzmetinde «Qazaqstandaǵy koronavirýstyq infektsiia boiynsha aǵymdaǵy jaǵdai týraly» baspasóz máslihaty ótken bolatyn. QR vitse-premeri Eraly Toǵjanovtyń aitýynsha, infektsiianyń kelýin boldyrmaý maqsatynda 13 naýryzdan bastap buqaralyq sharalar merekelik, sporttyq, jappai mádeni sharalar, konferentsiialar, seminarlar, kórmeler ótkizýge tyiym salynady.
Báigeniń jeńimpazdary www.tvtumar.kz saitynda jariialanatyn bolady. Saltanatty marapattaý roásiminiń televiziialyq nusqasy 15 naýryzda «Habar» telearnasynan kórsetiledi.
