2021-dyń 1 naýryzda tvtumar.kz saitynda «Tumar-2021» ulttyq syilyǵyn alýǵa ótinimder qabyldaý bastaldy, dep habarlaidy "Ult aqparat".
Syilyqqa 2020 jyly qazaqstandyq telearnalardyń efirine shyqqan televiziialyq jobalar qatysa alady. Ótinimderdi respýblikalyq jáne aimaqtyq telearnalar, stýdiialar jáne kásibi televiziialyq kontent shyǵaratyn kompaniialar bere alady.
Syilyq 10 nominatsiia boiynsha beriledi:
Úzdik televiziialyq serial
Úzdik derekti film
Úzdik aqparattyq baǵdarlama
Úzdik áleýmettik joba
Úzdik tok-shoý
Úzdik oiyn-saýyq baǵdarlamasy
Úzdik telejúrgizýshi
Úzdik telejýrnalist
Úzdik rejisserlik jumys
Úzdik aimaqtyq telearna
2021 jyly Báige besinshi ret ótkiziledi. Ol alǵash ret 2017 jyly Qazaqstan Respýblikasy Aqparat jáne qoǵamdyq damý ministrliginiń bastamasymen qurylǵan. Syilyqtyń basty maqsaty – kásibi qoǵamdastyqtyń baǵalaýy arqyly qazaqstandyq televiziialyq indýstriianyń damýyn yntalandyrý.
Ótken jyldar ishinde myńnan astam jýrnalist qatysýǵa ótinim berip, 178 jumys nominanttar tizimine endi. Ekskliýzivti músinshege otandyq televiziialyq jýrnalistikanyń 48 mamany ie boldy.
Otandyq úzdik jobalar televiziialyq óner salasyndaǵy joǵary jetistikteri úshin «Tumar» syilyǵynyń músinshelerine ie bolady. Músinde tumardy beineleitin jáne óz iesin qorǵaityn túrki tumary beinelengen. Óz kezeginde «Tumar» ulttyq syilyǵy tabys beinesi men bolashaqqa degen senimdi kózqarasqa ainaldy.
Jeńimpazdardyń esimderi sáýir aiynda belgili bolady. Jeńimpazdar qazaqstandyq televiziiany damytýǵa qosqan úlesi úshin Tumar músinshesine jáne 1 million teńge kólemindegi syiaqyǵa ie bolady.
