Sinoptikter 17-19 qazan aralyǵynda aýa raiy qandai bolatynyn aitty, dep habarlaidy "Ult aqparat" Qazgidromet» RMK baspasóz qyzmetine silteme jasap.
Apta sońynda respýblikanyń basym bóligi áli de keń antitsiklonnyń yqpalynda bolady. Sonyń áserinen jyly jáne jaýyn-shashynsyz aýa raiy saqtalady.
Tek eldiń soltústik-batys jáne soltústik aimaqtaryna Ob ózeniniń teńizge quiylǵan jerinen tsiklon keledi. Bul tsiklon jaýyn-shashyn jaýǵyzyp, jeldi kúsheitedi. Sondai-aq aýa temperatýrasy odan ári kóteriledi.
Alaida 18 qazanda soltústik-batys antitsiklonynyń basyp kirýinen keiin kún birshama sýytady. Ásirese e ldiń soltústik-batys jáne soltústik aimaqtarynda aýa temperatýrasy tómendeidi. 19 qazanda bul sýyq eldiń ortalyǵy men shyǵysyna jetedi.
Aýa temperatýrasynyń kúrt tómendeýinen túngi ýaqytta 0-8 gradýs aiazǵa deiin, kúndiz 5-15 gradýs jyly bolady. Sonymen qatar kei jerlerde jaiaý burqasyn soǵyp, tuman túsedi, joldarda kóktaiǵaq kútiledi.
Qazaqstannyń qalǵan aýmaǵynda kún jyly bolady, jaýyn jaýmaidy.
