Túrkistan oblysy, Túlkibas aýdanynda sońǵy bir aptanyń ishinde demeýshiler men eriktiler ortalyq aýrýhanaǵa 210 ottegi balonyn tartý etti. Igi bastama aýdan ákimdiginiń uiytqy bolýymen uiymdastyryldy, dep habarlaidy "Ult aqparat".
Aýrýhanadaǵy balondardyń ottegisi taýsylǵan jaǵdaida eriktilerge Shymkent qalasyndaǵy ottegi quiý beketinen toltyryp kelý úshin aýdan ákimdiginen gazel avtokóligi bólingen. Bul kólik táýligine 24 saǵat qyzmet etýde. Sonymen qatar, barlyq aýyldyq okrýg, kent ákimderi ózderiniń qyzmettik kólikteri men júrgizýshilerin aq halatty abzal jandarǵa berip, búginde 17 kólikpen jedel járdem brigadalary úilerinde syrqattanyp jatqan turǵyndarǵa qatynaýda. Meditsina mamandary naýqastardyń úilerin aralap, emdeýdi jalǵastyryp jatyr.
