Túrkistan oblysy Túlkibas aýdanynda júk poiyzynyń vagondary joldan shyqqan jerde jolaýshylar poiyzdary keshigip jatyr. Joldan keshikken jolaýshylarǵa ótemaqy tólenedi, dep habarlaidy "Ult aqparat".
«Jolaýshylar tasymaly» AQ keshikken poiyz baǵyttarynyń tizimin jariialady. Olar:
– №21 «Semei-Qyzylorda» poiyzy;
– №203 «Astana-Shymkent» poiyzy;
– №22 «Qyzylorda-Semei» poiyzy;
– №46 «Túrkistan-Pavlodar» poiyzy;
– №24 «Aqtóbe-Almaty» poiyzy;
– №55 «Kókshetaý-Qyzylorda» poiyzy;
– №87 «Almaty-Saryaǵash» poiyzy;
– №78 «Mańǵystaý-Almaty» poiyzy;
– №30 «Atyraý-Almaty» poiyzy;
– №34 «Aqtóbe-Almaty» poiyzy.
Qozǵalystyń qalpyna keltirilýi 26 maýsym kúni tańǵy saǵat 04:00-ge josparlanýda. Jolaýshylar tamaq jáne aýyz sýmen qamtamasyz etiledi.
«Kompaniia jolaýshylardan keltirilgen qolaisyzdyqtar úshin keshirim suraidy. Sondai-aq erejelerge sáikes árbir tolyq keshigý saǵaty úshin jol júrý qunynyń 3%-y mólsherinde ótemaqy tólenetinin habarlaidy»,-dedi «Jolaýshylar tasymaly» AQ ókilderi.
Eske salsaq, 25 maýsymda saǵat 19:20-da Túlkibas-Arys ýchaskesindegi Menlibai-Kóktóbe qiyn iindi aýmaǵynda júk poiyzynyń vagondary joldan shyqty. Qurbandar men zardap shekkender joq. Júk pen jyljymaly quramda órt bolmaǵan. Temirjolshylar osy ýchaskedegi qozǵalysty qalpyna keltirý úshin barlyq qajetti sharalardy qabyldaýda. Oqiǵa ornynda Shymkent, Arys jáne Taraz stansalarynan qalpyna keltirý poiyzdary jumys isteýde. Joldan shyǵýdyń aldyn ala sebebi – jeke vagonnyń dońǵalaq jubynyń osi synyp qalýy.
Anyqtamalyq aqparatty «1433» nómiri boiynsha alýǵa bolady.
