Túrkistan oblysy, Túlkibas aýdanynda Turar Rysqulovtyń 125 jyldyǵyna arnalǵan «Ult tarihyndaǵy jarqyn tulǵa» atty shara bastaldy.
«Nur Otan» partiiasy Túrkistan oblystyq filialy men Mádeniet jáne tilderdi damytý basqarmasy, Túlkibas aýdany ákimdigi uiymdastyrǵan sharaǵa oblys ákiminiń orynbasary Sáken Qalqamanov pen partiia filialy tóraǵasynyń birinshi orynbasary Beisen Tájibaev, oblystyq Qazaqstan halqy assambleiasy tóraǵasynyń orynbasar-hatshysy Ǵ. Rysbekov pen aýdan ákimi Nurbol Turashbekov, jazýshylar men ǵalymdar qatysty, dep habarlaidy "Ult aqparat".
Sultanbek Qojanov pen Turar Rysqulovtyń týǵanyna 125 jyl tolýyna orai uiymdastyrylǵan «Aqsúmbe men Aqsý-Jabaǵyly arasy» avtosaparyna qatysýshylar 1915 jyly «Alash» qairatkeri, tuńǵysh qazaq injeneri Muhametjan Tynyshpaevtyń basshylyǵymen soǵylǵan Jaskeshý aýyldyq okrýgi Rysqul aýylynyń mańynda ornalasqan tonnelmen tanysty.
Turar Rysqulovtyń ata qonysy Rysqul aýylyndaǵy kúrdeli jóndeýden ótken aýyldyq klýbtyń ashylý saltanatyna qatysty. Sonymen qatar, qonaqtar Túlkibas kentindegi toǵyz joldyń toraby - Túrkisib temirjolynyń boiynda ornalasqan qos qairatker - M.Tynyshpaev pen T.Rysqulovtyń eskertkishine arnaiy baryp, gúl shoqtaryn qoidy.
Budan bólek, T. Rysqulov atyndaǵy tarihi-ólketaný murajaiymen tanysqan delegatsiia músheleri «Tuńǵysh Prezident» saiabaǵyn aralady. Taýly aýdanynyń 90 jyldyq mereitoiyna orai jóndeýden ótip, qaita jańǵyrǵan saiabaqta kelgen qonaqtardy ulttyq kiimdegi júzden asa qyz kelinshekter kútip aldy. Olarǵa aýdannyń brendteriniń biri - alma jemisin tartý etti.
Aitýly shara «Ult tarihyndaǵy jarqyn tulǵa» atty taqyryptaǵy saltanatty jiynmen qorytyndylandy. Onda oblys ákiminiń orynbasary Sáken Qalqamanov Turar ómiri jaily qysqasha baiandama jasap, «Nur Otan» partiiasy oblystyq filialy tóraǵasynyń birinshi orynbasary Beisen Tájibaev qazaq halqynyń bolashaǵy úshin kúresken tulǵalardy keńinen nasihattaý máselesin qamtydy.
Aita keteiik, qazaqtyń qos taý tulǵasy - S.Qojanov pen T. Rysqulovtyń týǵanyna 125 jyl tolýyna orai «Nur Otan» partiiasynyń oblystyq filialy uiymdastyrǵan «Aqsúmbe men Aqsý-Jabaǵyly arasy» ekspeditsiiasy keshe Sozaq aýdanynda bastaý alyp, búgin Túlkibas aýdanynda máresine jetti.
