تٷركٸستان وبلىسى, تٷلكٸباس اۋدانىندا تۇرار رىسقۇلوۆتىڭ 125 جىلدىعىنا ارنالعان «ۇلت تاريحىنداعى جارقىن تۇلعا» اتتى شارا باستالدى.
«Nur Otan» پارتيياسى تٷركٸستان وبلىستىق فيليالى مەن مەدەنيەت جەنە تٸلدەردٸ دامىتۋ باسقارماسى, تٷلكٸباس اۋدانى ەكٸمدٸگٸ ۇيىمداستىرعان شاراعا وبلىس ەكٸمٸنٸڭ ورىنباسارى سەكەن قالقامانوۆ پەن پارتييا فيليالى تٶراعاسىنىڭ بٸرٸنشٸ ورىنباسارى بەيسەن تەجٸباەۆ, وبلىستىق قازاقستان حالقى اسسامبلەياسى تٶراعاسىنىڭ ورىنباسار-حاتشىسى ع. رىسبەكوۆ پەن اۋدان ەكٸمٸ نۇربول تۇراشبەكوۆ, جازۋشىلار مەن عالىمدار قاتىستى, دەپ حابارلايدى "ۇلت اقپارات".
سۇلتانبەك قوجانوۆ پەن تۇرار رىسقۇلوۆتىڭ تۋعانىنا 125 جىل تولۋىنا وراي ۇيىمداستىرىلعان «اقسٷمبە مەن اقسۋ-جاباعىلى اراسى» اۆتوساپارىنا قاتىسۋشىلار 1915 جىلى «الاش» قايراتكەرٸ, تۇڭعىش قازاق ينجەنەرٸ مۇحامەتجان تىنىشپاەۆتىڭ باسشىلىعىمەن سوعىلعان جاسكەشۋ اۋىلدىق وكرۋگٸ رىسقۇل اۋىلىنىڭ ماڭىندا ورنالاسقان توننەلمەن تانىستى.
تۇرار رىسقۇلوۆتىڭ اتا قونىسى رىسقۇل اۋىلىنداعى كٷردەلٸ جٶندەۋدەن ٶتكەن اۋىلدىق كلۋبتىڭ اشىلۋ سالتاناتىنا قاتىستى. سونىمەن قاتار, قوناقتار تٷلكٸباس كەنتٸندەگٸ توعىز جولدىڭ تورابى - تٷركٸسٸب تەمٸرجولىنىڭ بويىندا ورنالاسقان قوس قايراتكەر - م.تىنىشپاەۆ پەن ت.رىسقۇلوۆتىڭ ەسكەرتكٸشٸنە ارنايى بارىپ, گٷل شوقتارىن قويدى.
بۇدان بٶلەك, ت. رىسقۇلوۆ اتىنداعى تاريحي-ٶلكەتانۋ مۇراجايىمەن تانىسقان دەلەگاتسييا مٷشەلەرٸ «تۇڭعىش پرەزيدەنت» ساياباعىن ارالادى. تاۋلى اۋدانىنىڭ 90 جىلدىق مەرەيتويىنا وراي جٶندەۋدەن ٶتٸپ, قايتا جاڭعىرعان ساياباقتا كەلگەن قوناقتاردى ۇلتتىق كيٸمدەگٸ جٷزدەن اسا قىز كەلٸنشەكتەر كٷتٸپ الدى. ولارعا اۋداننىڭ برەندتەرٸنٸڭ بٸرٸ - الما جەمٸسٸن تارتۋ ەتتٸ.
ايتۋلى شارا «ۇلت تاريحىنداعى جارقىن تۇلعا» اتتى تاقىرىپتاعى سالتاناتتى جيىنمەن قورىتىندىلاندى. وندا وبلىس ەكٸمٸنٸڭ ورىنباسارى سەكەن قالقامانوۆ تۇرار ٶمٸرٸ جايلى قىسقاشا بايانداما جاساپ, «Nur Otan» پارتيياسى وبلىستىق فيليالى تٶراعاسىنىڭ بٸرٸنشٸ ورىنباسارى بەيسەن تەجٸباەۆ قازاق حالقىنىڭ بولاشاعى ٷشٸن كٷرەسكەن تۇلعالاردى كەڭٸنەن ناسيحاتتاۋ مەسەلەسٸن قامتىدى.
ايتا كەتەيٸك, قازاقتىڭ قوس تاۋ تۇلعاسى - س.قوجانوۆ پەن ت. رىسقۇلوۆتىڭ تۋعانىنا 125 جىل تولۋىنا وراي «Nur Otan» پارتيياسىنىڭ وبلىستىق فيليالى ۇيىمداستىرعان «اقسٷمبە مەن اقسۋ-جاباعىلى اراسى» ەكسپەديتسيياسى كەشە سوزاق اۋدانىندا باستاۋ الىپ, بٷگٸن تٷلكٸباس اۋدانىندا مەرەسٸنە جەتتٸ.
