Túrkistan oblysynyń Túlkibas aýdanyna aǵymdaǵy jyldyń 10 aiynda 13 myńǵa jýyq týrist kelgen. Onyń ishinde 700 adam sheteldiń azamattary.
Jalpy óńir - etnotýrizmdi damytýǵa qolaily aimaq. Aldaǵy ýaqytta aimaqqa kelýshilerdiń sany arta túsedi dep josparlaýdamyz. Bul týraly Túrkistan oblysynyń Óńirlik kommýnikatsiialar qyzmetinde ótken brifingte Túlkibas aýdanynyń ákimi Nurbol Turashbekov málimdedi.
Budan ózge, aýdan boiynsha ekonomikalyq belsendi halyq sany - 57,2 myń adamdy qurasa, jumyspen qamtylǵandar - 54,2 myń adam.
«Tehnikalyq jáne kásiptik bilimi bar kadrlardy daiarlaý boiynsha bes oqý ornymen kelisim-shart túzilip, 195 azamat qysqa merzimdi kásiptik oqý kýrstaryna joldandy. Al jappai kásipkerlikti damytý «Bastaý-biznes» jobasy negizinde 166 azamat kásipkerlik negizderine oqýǵa joldanyp, 157 adam sertifikat alyp, 52 azamatqa 207,8 mln. teńge nesie berildi. Áleýmettik jumys oryndaryn uiymdastyrý boiynsha 142 azamat jiberildi», - dedi Nurbol Ábdisattaruly.
Sonymen qatar, aýdanda 18 memlekettik jáne jekemenshik áriptestik sheńberindegi 26 balabaqshada jalpy 6560 bala tárbielenýde. Balalardy qamtý kórsetkishi jyl qorytyndysymen 97,8 paiyzdy quraǵan.
