Túrkistan oblysynyń Túlkibas aýdanynyń ataýy ózgerýi múmkin.
Qazaqstan Respýblikasy Úkimetiniń 2018 jylǵy 20 qarashadaǵy № 782 qaýlysyna sáikes, Túrkistan oblysynyń Túlkibas aýdanyn Túrkibasy dep qaita ataý týraly Jarlyq jobasy Elbasy qaraýyna engizilgen.
Aita ketsek, tiisti Qaýly Qazaqstan Respýblikasy normativtik quqyqtyq aktileriniń aqparattyq-quqyqtyq júiesinde jariialanǵan.
Eske sala ketsek, oblystyq máslihattyń kezekti HI sessiiasynda respýblikalyq onomastika komissiiasynyń qaraýyna Túlkibas aýdanynyń ataýyn qaita ataý jónindegi usynysy engizilgen bolatyn.
Bul týraly Túrkistan oblysy ákimi Janseiit Túimebaev óz oiyn aityp, usynysty qoldaitynyn jetkizgen-di. "Sońǵy jyldary bul másele birneshe ret kóterildi. Keńes zamanynda aýdannyń tarihi aty burmalanǵany tarihshy ǵalymdarǵa da belgili. Sondyqtan Túlkibasy ataýyn Túrkibasy dep ózgertý týraly usynysty biraýyzdan qoldaimyn. Atalǵan másele oblystyq ákimdik pen oblystyq máslihat tiisti sheshim shyǵaryp, oblystyq onomastikalyq komissiiada qaraldy. Sońǵy sheshimdi respýblikalyq onomastikalyq komissiia qabyldaityn bolady", - dedi óńir basshysy.
Al, ońtústik óńiriniń bir top ziialy qaýymy: "Túlkibas ataýyn Túrkibasyǵa ózgertý búgingi urpaqtyń tarihi paryzyna ainalyp otyr. Rýhani jańǵyrýǵa orailastyra aýdan atyn jańǵyrtyp, Túrkibasy tóbesine me, Arys pen Qulan ózeniniń qosylǵan tusyna ma, Súzegen (Sýlýq) qaǵanǵa erekshe eskertkish qoiylsa der edik. Elbasymyz Nursultan Nazarbaevtyń «Bolashaqqa baǵdar: rýhani jańǵyrý» atty baǵdarlamalyq maqalasynda halyqtyń tarihi jady haqynda, baitaǵymyzdyń qasietti, kieli jerleri jóninde jan-jaqty aitylǵan, ólketanýǵa ózgeshe mán-mánis berý týrasynda tebirenisti tolǵanystar tunyp tur. Túrkibasy atyn qaita qalpyna keltirý Memleket basshysy maqalasyndaǵy maqsat-mindetter talaptaryna hám sai keledi dep sanaimyz" dep, úndeý tastaǵan bolatyn.
