Búgin Túlkibas aýdanynda aýdandyq mádeniet saraiynda «Marhabat-miras» qorynyń uiytqy bolýymen «Túrkibasy tebirenisteri» baiqaýy bolyp ótti, dep habarlaidy "Ult aqparat" óńir basshysynyń baspasóz qyzmetine silteme jasap.
Baiqaýǵa aýdan ákimi N.Turashbekov, Halyqaralyq «Alash», «Baýyrmal» syilyqtarynyń laýreaty, jazýshy-jýrnalist M.Baiǵut, Qazaqstan Respýblikasynyń qurmetti jýrnalisi, Túrkistan oblysynyń qurmetti azamaty B.Qonysbek, jazýshy, professor N.Qadyrbaev, aqyn, túriktanýshy S.Sahabat jáne aýdan turǵyndary men ziialy qaýym ókilderi qatysty. Aldymen baiqaýǵa qatysýshylar óz óleńderi men jergilikti aqyn- jazýshylardyń shyǵarmalaryn oryndady. Bir aiǵa jýyq ótkizilgen baiqaýdyń qortyndysy shyǵarylyp, jeńimpaz atanǵan oqýshylar marapattaldy.
Baiqaý boiynsha M.Baiǵut, B.Qonysbek, N.Qadyrbaev, S.Sahabat sóz sóilep, baiqaýdyń erekshelikteri jaily aityp ótti. Baiqaýda aýdan ákimi N.Turashbekov sóz alyp, qordyń atqarǵan jumysyna rizashylyǵyn bildirip, bir top ustazdardy alǵys hatpen marapattady. Sonymen qatar qarymdy jýrnalistter B.Qonysbek pen M.Baiǵutqa aýdannyń 90 jyldyq medalin tabystady. Aýdan týmasy, jazýshy M.Baiǵutqa aýdan basshysy qazaqy dástúrmen shapan jaýyp, at mingizdi.
Jalpy «Marhabat-Miras qory» jastardy kitap oqýǵa baýlý, daryndy jastardyń shyǵarmashylyǵyna qoldaý kórsetý maqsatynda el súisinetindei, jurt qyzyǵatyndai jobalardy qolǵa alyp, júzege asyrýda.
Máselen, qor qurylǵan alǵashqy jyldary álemge tanylǵan greig qyzǵaldaǵy jaiynda «Shyrailym – Shubaiqyzylym» jobasy jas jazba aqyndardyń baiqaýy, respýblikalyq jáne halyqaralyq deńgeide uiymdastyryldy. Baiqaýda jas talapkerlerdiń tusaýy kesilip, qazaq qyzǵaldaǵy, týǵan jer, egemendi el, atameken týraly óreli óleńder men qarasózben órnektelgen tolǵamdar dúniege keldi.
Sonymen qatar, qordyń uiytqy bolýymen «Taýpisteli taǵylymy», «Marhabat oqýlary», «Tutqabai tolǵanystary» jobalary aiasynda baiqaýlar, forýmdar, kezdesýler ótkizilip, ádebietimizdiń damýyna ózindik úles qosty.
