Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi
Aimaq

Túlkibas aýdanynda sýarmaly jerdiń kólemi ulǵaiyp keledi

Ult portaly
Túlkibas aýdanynda sýarmaly jerdiń kólemi ulǵaiyp keledi

Túrkistan oblysy Túlkibas aýdanynda aýylsharýashylyq óniminiń kólemin ulǵaitý úshin sýarmaly jerlerdiń aýmaǵy ulǵaiýda.

Osy oraida sý resýrstaryn paidalanýdy retteý jáne qorǵaý jónindegi Aral-Syrdariia basseindik inspektsiiasy Respýblikalyq memlekettik mekemesinen 2018-2023 jyldar aralyǵyna (jyldyq limit) 136,7 mln. m3 aǵyn sýdy paidalanýǵa ruqsat alyndy. Bul týraly Túrkistan oblysynyń Óńirlik kommýnikatsiialar qyzmetinde ótken brifingte Túlkibas aýdanynyń ákimi Nurbol Turashbekov  málimdedi.

Sondai-aq, aýdan basshysynyń aitýynsha, aýyl sharýashylyq salasynyń ónim kólemi 2018 jyldyń 10 aiynyń qorytyndysymen 29 892,2 mln. teńgeni quraǵan.

«Aýdanda et óndirý aǵymdaǵy jyldyń 10 aiynda 13 864,7 tonna, sút - 43 738,3 tonna, jumyrtqa - 14,5 million danany qurady. Budan ózge, osy kezeńde 165 gektarǵa baý egý josparlansa, meje 156,4 paiyzǵa oryndalyp 258 gektardy qurady. Sonymen qatar, jańǵaq egý 250 gektarǵa josparlanyp, qazirgi tańǵa 257,5 gektar, tańqýrai sharýashylyǵyna 75 gektarǵa josparlansa, 80,9 gektarǵa, júzim baý sharýashylyǵyna 10 gektarǵa josparlanyp, jospar 100 paiyzǵa oryndaldy», - dedi Nurbol Ábdisattaruly.

Túlkibas aýdanynda «Sybaǵa» baǵdarlamasy boiynsha josparda 147 bas satyp alynyp  jospar 196 paiyzǵa,  «Qulan» baǵdarlamasy boiynsha 164 bas satyp alynyp 155 paiyzǵa, «Altyn asyq» baǵdarlamasy boiynsha 450 bas alynyp 134,7 paiyzǵa ósken.

Sonymen qatar, aýdanda barlyǵy 32 kásiporyn jumys atqarýda. Aǵymdaǵy jyldyń 10 aiynyń qorytyndysy boiynsha ónerkásip salasynda 18 775,5 mln. teńgeniń ónimi óndirilip, naqty kólem indeksi 102,8 paiyzǵa artty. Al bólshek saýda taýar ainalymy qorytyndysymen 5 799 mln. teńgeni qurap,  ótken jyldyń tiisti kezeńimen salystyrǵanda 5,1 paiyzǵa artqan.

«Túlkibas aýdanynda atqarylǵan jumystardyń nátijesinde 2018 jyldyń 10 aiynyń qorytyndysymen, jalpy óńirlik ónim 60 974,4 mln. teńgeni qurap, jan basyna shaqqanda 550,3 myń teńgege ósti. Sondai-aq, aýdanǵa tartylǵan investitsiialar kólemi 8 129,1 mln. teńgeni qurady. Onyń ishinde 1 653,5 mln. teńge -  respýblikalyq biýdjet esebinen, 2 752,6 mln. teńge -  jergilikti biýdjet esebinen, 3 722,7 mln. teńge - kásiporyndardan jáne halyqtyń óz qarjysy esebinen salynǵan investitsiia. 2018 jyldyń qorytyndysymen 13 mlrd.teńgege investitsiia tartý josparlanýda», - dep málimdedi Nurbol Turashbekov.

Oqi otyryńyz